हामी सबैकाे संसारन्यूज

१४ बैशाख, काठमाडौं । लिबियाको त्रिपोलीमा दिनप्रतिदिन युद्ध मैदानमा परिणत भइरहेको छ । त्यहाँ कार्यरत सैनामैना १०, रुपन्देहीका गणेश थापा मगरसहित २० नेपाली केही सातादेखि उद्धारका लागि हार गुहार गरिरहेका छन् ।

‘हामी बसेको ठाउँबाट झण्डै २५ किमी टाढा दिनहुँ बिद्रोही र सरकारपक्षबीच भिडन्त भइरहेको छ, बम नपड्कने दिनै हुँदैन् । त्रिपोलीबाट थापा मगरले भने, ‘भिडन्त बढ्दै हाम्रो ठाउँतिर आइपुग्छ कि भन्ने डर छ ।’

उनी अलसाई समूहको राईस मिलमा कार्यरत छन् । राइसमिल परिसरबाट बाहिर निस्कन सकेका छैनन् । ‘हामी जहाँ काम गर्छौ, त्यहि बस्छौं,’ उनले भने, ‘बाहिरी घुमफिर गर्ने स्थित छैन । हाम्रा लागि चाहिने सबै समान लिबियन नागरिकले किनेर ल्याइदिन्छ ।’

थापामगर सँग तनहुँका पूर्ण बहादुर गुरुङ, बुद्धि बहादुर अधिकारी क्षेत्री, लम्जुङका अमृत गुरुङ, दाङका भुवन आचार्य, सुनसरीका राजु विष्ट, सनम विश्वकर्मा, सप्त बहादुर बिक सिन्धुपाल्चोकका कृष्ण कोइराला कार्यरत छन् ।

यसैबीच इजिप्टस्थित नेपाली दूतावासका राजदूत झबिद्र अर्यालका अनुसार लिबियामा २० नेपालीको उद्धार गर्नुपर्नेछ । उनीहरु दूतावासको सम्पर्कमा आइरहेका छन् । १० जना एउटै कम्पनीमा कार्यरत छन् । उनले भने, ‘लिविया सरकार र अन्तराष्ट्रिय निकायसँग समन्वय गरिरहेका छौ. तर प्रतिक्रिया आइरहेकोछैन । शनिबारको कान्तिपुर दैनिकमा होम कार्कीले लेखेका छन् ।