Sansar News
रोनाल्ड रेगन यो नाम सुन्ने बित्तिकै तपाइ भन्नु हुनेछ उनि अमेरीकाका पूर्व राष्टपति हुन् । तर, तपाईलाइ थाहा नहुन सक्छ उनी भेट्रान हिरो पनि हुन भनेर । हो, उनी किंग्स रो र डेथ भ्यालि डेज जस्ता चलचित्रका नायक हुन् ।
रेगन राजनीति र कलाकारीता दुवैमा सफल भए । रेगन मात्रै होइन कमेडियन जालोमोस्की युक्रेनमा हालै सम्पन्न निर्वाचनमा भारी बहुमतका साथ निर्वाचित भएका छन् । भारतीय राजनीतिमा पनि कलाकारहरु सफल मानिन्छन् । अमिताभ बच्चनदेखि स्मृति इरानीसम्म लाइम लाइट र पावर पोलिटिक्स दुवैमा सफल खेलाडि हुन् । हलिवुड भनिने भारतीय सिनेमा होउन या साउथ सिनेमा र राजनीतिको गहिरो सम्वन्घ भेटिन्छ ।
एक जमानाका चलेका हिरो सुनिल दत्त युवा तथा खेलकुदमन्त्री भएका थिए । इरानी बहालवाला मन्त्री हुन् । गोबिन्दा, सवाना आजमि, सत्रुध्न सिन्हा पटक–पटक सासंद बनिसकेका छन । अहिले ढाइ किलो हातवाला बवि देवल र रंगिला गर्ल उर्मिला मातोण्डकर पनि चुनावि मैदानमा छन । तर, कलिवुड भनिने नेपाली सिनेमासँग राजनीतिले खासै साइनो जोडेको पाइदैन ।
नायक शिव श्रेष्ठले स्वतन्त्र उमेदवारको रुपमा चुनाव लड्ने हिम्मत गरे यता कुनै कलाकारले राजनीतिमा आफ्नो भाग्य अजमाउने प्रयास नेपालमा गरेको पाइदैन ।
रेडियो समाचार वाचिका तथा गायिका कोमल वली बाहेक अरु कलाकार अहिले सम्म राजनीतिमा सफल भएको देखिएको छैन । तत्कालिन माओवादी सुप्रिमो पुष्प कमल दाहालसँग नजिकिएकी रेखा थापा अहिले कमल थापा सँग नजिक छन् । पटक–पटक पार्टी परीवर्तन गरेपनि थापा अझैसम्म सत्ता स्वादबाट टाढै देखिन्छिन् ।
बेला बेलामा नायक राजेश हमाल पोलिटिकल म्यान बन्ने चर्चा चले पनि यो हल्लाले सार्थकता पाइसकेको छैन । निर्माता तथा नायक भुवन के सीको ०७५ को चुनावमा खुवै चर्चा भएको थियो । के सीको चर्चाले पनि सार्थकता पाइसकेको छैन् ।
वि.सं.२०७६ वैशाख १७ मंगलवार १४:३३ मा प्रकाशित
