हामी सबैकाे संसारन्यूज

१९ बैशाख, काठमाण्डौं । विवाहमा भोज खान गएका बेला अपहरणमा परेका बालकलाई जिल्ला प्रहरी कार्यालय सप्तरीले सकुसल उद्धार गरेको छ ।

राजगढ गाउँपालिका–३ का १२ वर्षीय बालक लक्ष्मण यादवलाई प्रहरीले सोमबार भारतको सितामढी अन्तर्गत सिवहर भन्ने ठाउँमा रहेको होटलबाट उद्दार गरीएको प्रहरीले जनाएको छ ।

स्थानीय ठकन यादवको छोरीको बिवाह भोज खान गएका बालक घर नफर्केको भन्ने वैशाख १३ गते खबर प्राप्त हुनासाथ खटिएको प्रहरी टोलीले सुक्ष्म रुपमा अनुसन्धान गर्दा निज बालक अपहरणमा परेको खुल्न आएकोले खोजी गर्ने क्रममा भारतको होटलमा र्पुयाई वेवारिसे छाडेको अवस्थामा फेला पारी सकुशल उद्दार गरिएको हो ।