१८ वैशाख, काठमाडौं । काठमाडौं महानगरपलिकाले जथाभावी फोहर गर्ने एजुकेशनल कन्सल्टेन्सिहरुबाट आज एकै दिनमा ६९ हजार रुपैयाँ जरिवाना उठाएको छ । कक्षा १२ को परिक्षाको आज अन्तिम दिन काठमाडौंका बिभिन्न परिक्षाकेन्द्र बाहिर जथाभावि पर्चा, ब्रोसर तथा पमप्लेट फालेर फोहर गर्ने बिभिन्न कन्सल्टेन्सिबाट सो रकम बराबरको जरिवाना संकलन गरीएको माहानगरपालिका वातावरण ब्यबस्थापन विभाग प्रमुख हरिकुमार श्रेष्ठले जानकारी दिएकाछन । राजधानीमा च्याउ झैं खुलेका बिभिन्न कन्सल्टेन्सि तथा ट्युसन सेन्टरहरुले जथाभावि गर्ने यस्तो फोहरका कारण राजधानीका सडक तथा चोकहरु कुरुप देखिने गरेकाछन ।

बिज्ञहरुका अनुसार बिभिन्नखालका प्रदुषणले आक्रान्त बनेको काठमाडौं शिक्षित भनिएकाहरुबाट भएको अटेरिपनाको कारण झनै कुरुप देखिएको छ । यसरी अटेरी गर्नेहरुलाई कडा कानुनी कार्बाहि गर्नु पर्ने बिज्ञहरुको भनाइ रहेकोछ ।

कन्सल्टेन्सिहरुले फालेको कागजबाट कबाडिवाला मालामाल

बिभिन्न कलेज अगाडी फालिएका पर्चा, ब्रोसर तथा पमप्लेटका कारण कवाडी वालाहरु मालामाल भएका छन । आज राजधानीमा संधैं भन्दा फरक देखियो । डिल्लीबजार कन्या क्याम्पस अगाडी भारतको मोतीहारी घर बताउने एक भारतीय नागरिक कागज संकलनमा ब्यस्त देखिए । उनी भन्दै थिए “के गर्नु हजुर ५ रुपैंया किलो बिकीहाल्छ । त्यहि भएर कागज उठाउँदैछु । ” उनले भने “यो कागज सबै फोहरमा गैहाल्छ, मैले लैजादा कबाडीमा त जान्छ ।”

यो पनि पढ्नुहोस ।

शैक्षिक परामर्श केन्द्रहरुका कारण कुरुप राजधानी