हामी सबैकाे संसारन्यूज

२७ बैशाख, पर्सा । प्रदेश नं २ का मुख्य मन्त्ती लालवावु रावतले जेष्ठ नागरिकको हितमा लगानी गर्न सरकार पछि नपर्ने बताएका छन् ।

मुख्यमन्त्री रावतले वीरगन्जको नगवामा निर्माण हुन लागेको जेष्ठ नागरिक वृद्धा आश्रमको शिल्यान्यास गर्दै समाजका लागि जीवनको महत्वपूर्ण समय खर्चेका ज्येष्ठ नागरिकका लागि प्रदेश सरकार लगानी गर्न पछि नहट्ने प्रतिबद्धता व्यक्त समेत गरेका थिए ।

प्रदेश सरकारको रु ५० लाखको लागतमा दुई हजार ५०० वर्गमिटर क्षेत्रफलमा दुईतले सुविधासम्पन्न वृद्धाश्रम निर्माण गर्न लागिएको हो ।

वृद्धाश्रम निर्माण समितिका अध्यक्ष कृष्ण श्रेष्ठले रु चार करोड १० लाखको कूल लागतमध्ये भवन निर्माणका लागि प्रदेश सरकारले रु ५० लाख लगानी गरेको जानकारी दिएका थिए ।

उनले भवन निर्माणका लागि नपुग रकम समाजसेवी, बुद्धिजीवी, नगरिक समाजबाट चन्दा सङ्कलन गरी निर्माणकार्य सम्पन्न गरिने बताएका थिए ।