हामी सबैकाे संसारन्यूज

ओमान । तमु समाज ओमानले नेपालमा रहेका दुई जना मृगौला पीडितलाई आर्थिक सहयोग गरेको छ ।

समाजले मानविय सेवा र सहयोग नै ठूलो धर्म हो भन्ने भावलाइ आत्मबोध गर्दै दुईजनालाई ३० हजार रुपैयाँ सहयोग रकम हस्तान्तरण गरेको हो ।

समाजले जेठ २ गते मिर्गौला पीडितद्धय स्याङ्जा चापाकोट न.पा. वार्ड न.७ निबासी,कमल गुरुङ र नवलपुर–कावासेती निवासी, गणेश सापकोटालाई सहयोग स्वरूप रकम पठाएको समाजका महासचिव निशेक तमुले जानकारी गराएका हुन् । समाजले पीडितद्धयको शिघ्र स्वास्थ्य लाभको कामना पनि गरेको छ ।

आकस्मिक रुपमा मिर्गौला पीडितको सहयोगका निम्ति समाजको परिवारभित्र रकम संकलन गरिएको समाजले जनाएको छ ।

समाजका संरक्षक, सल्लाहकारहरु, पदाधिकारीहरु एवम् सम्पूर्ण सदस्यहरुको यो सहयोगी मनहरुमा तमु समाज ओमानका अध्यक्ष पुर्ण तमुले हार्दिक आभार एवम धन्यवाद व्यक्त गरेका छन् ।