हामी सबैकाे संसारन्यूज

२७ जेठ, भक्तपुर। भक्तपुर नगरपालिकाले आर्थिक अभावका कारण उच्च शिक्षा हासिल गर्न समस्या परेका विद्यार्थीलाई पाँचलाख रुपैयाँसम्म शैक्षिक ऋण दिने भएको छ । भक्तपुरले एसईईभन्दा माथिल्लो तह अध्ययनका लागि शैक्षिक प्रमाणपत्र धितो राखेर ६ प्रतिशत व्याजमा ऋण उपलब्ध गराउन लागेको हो । यस्तो ऋण विद्यार्थीले अध्ययन पूरा भएको चारवर्षभित्र फिर्ता गरिसक्नुपर्नेछ ।
मेयर सुनिल प्रजापतिले आइतबार शैक्षिक ऋण वितरण कार्यक्रमको शुभारम्भ गरेका हुन् । ‘गरिबीकै कारण उच्च शिक्षा पढ्न नपाउने अवस्था नबनोस् भन्ने हाम्रो ध्येय हो । गरिब, दलित र किसान परिवारलाई कार्यक्रमले लाभ मिल्छ ।’ उनले भने ।
ऋण लिन चाहाने विद्यार्थी नगरपालिकाको स्थायी बासिन्दा हुनुपर्छ एसईई भन्दा माथिल्लो जुनसुकै तह अध्ययनका लागि ऋण लिन सकिन्छ । ऋण लिएर विद्यार्थीले सरकारले अनुमति दिएको शैक्षिक संस्थामा अध्ययन गर्न पाउँछन् । जेहेन्दार र विपन्न विद्यार्थीले वडा कार्यालयमा आवेदन दिएपछि आवेदकको अवस्था हेरेर वडाअध्यक्षले नगरपालिकालाई सिफारीस गर्नेछन् । सोमबारको नयाँपत्रिका दैनिकबाट