हामी सबैकाे संसारन्यूज

२७ जेठ, काठमाण्डौं । रोजगारीका लागि कोरिया जाने सपना बोकेका बेरोजगार नेपाली युवाले भाषा सिक्न मात्र नौ अर्ब रुपैयाँ खर्च गर्छन् ।

काठमाण्डौं उपत्यका, पोखरालगायत ठूला सहरमा भाषा सिकाउने इन्स्च्यिुटहरु सञ्चालनमा छन् । त्यस्ता इन्स्यिुच्युटले एकजना युवाबाट एक वर्षको कोर्स पढाएबापत औसत २० हजार रुपैयाँ लिन्छन् ।

यस हिसाबले ९२ हजार आवेदकबाट एक अर्ब ८५ करोड रुपैयाँ उठ्छ । यस्तै भाषा कक्षाका लागि सहरको सहरमा बस्न, भाडा तिर्न र घरबाट आवत जावत गर्नका लागि कम्तिमा पनि एकवर्षमा ८० हजार रुपैयाँ लाग्छ । यसरी सहर बसाई, यातायात र भाषा कक्षावापतको उनीहरुले कम्तिमा एकलाख खर्चनुपर्ने हुन्छ ।

यसपालिको हिसाब गर्दा ९२ हजार युवाका लागि एकलाख रुपैयाँका दरले नौ अर्ब २० करोड खर्च भएको छ । तर, यसरी खर्च गर्नेमध्ये १० प्रतिशत अर्थात् नौ हजारले मात्र कोरियामा रोजगारी पाउँछन् । ८० हजार युवा निराशा हुनुपर्नेछ । तर, उनीहरुका लागि खर्च भएको नौ अर्ब २० करोड रुपैयाँ संगठित रुपमा खर्च गर्ने हो भने वर्षमा ४५ मेगावाटको विद्युुत् आयोजना बन्न सक्छ ।

यस्ता आयोजनाले युवालाइ रोजगारी मात्र होइन, लगानीकर्तालाई बार्षिक रुपमा उन्नत आम्दानी हुन सक्छ । तर, यो विषयमा सोच्ने कस्ले ? सोमबारको नयाँपत्रिका दैनिकबाट