हामी सबैकाे संसारन्यूज

२९ जेठ, काठमाण्डौं । सरकारले सन् २०२० मा २० लाख पर्यटक भित्राउने घोषणा गरेको छ तर, नेपाल आउने हवाई भाडा अत्यन्तै महँगो भएकाले पर्यटक सस्तो गन्तव्य तर्फ मोडिने गरेका छन् ।

संसारको जुनसुकै स्थानबाट छिमेकी भारतको दिल्लीको तुलनामा काठमाण्डौं आउने यात्रुले डेढगुणसम्म बढी भाडा तिर्नु परिरहेको छ ।

महँगो हवाई भाडाकै कारण नेपाली पर्यटन बजार प्रभावित बनेको छ ।
स्विट्जरल्याण्डको जुरिकबाट काठमाण्डौं आउने हवाई भाडा औसत एकलाख २९ हजार रुपैयाँ छ । तर, उत्तिकै दूरीको दिल्लीसम्मको यात्रा जम्मा ७८ हजार रुपैयाँ मात्र रहेको छ ।

दूरीका हिसावले हजार किलोमिटर पनि फरक नभएको यी दुई स्थानको भाडामा डेढगुणा भन्दा बढी अन्तर छ । त्यस्तै लन्डनबाट काठमाण्डौं आउन एक यात्रुको औसत ९८ हजार रुपैयाँ तिनुपर्दछ । तर, दिल्ली आउन भने ५८ हजार रुपैयाँ मात्र लाग्छ । लन्डनबाट दिल्ली भन्दा काठमाण्डौं आउन झण्डै ७० प्रतिशत बढी भाडा तिनुपर्छ । बुधबारको नयाँपत्रिका दैनिकबाट