हामी सबैकाे संसारन्यूज

२९ जेठ, काठमाडौँ । प्रतिनिधिसभाको मंगलबारको बैठकमा बजेटमाथी मन्त्रालयगत छलफलको कार्यक्रम थियो । युवा तथा खेलकुद,सहरी विकास र अर्थ मन्त्रालयका विभिन्न शर्षिकमा सांसदले बोल्ने क्रम जारी थियो । बोल्ने पालो आयो, सत्तारुढ नेकपाका सांसद झपट रावलको । कैलाली क्षेत्र नम्बर २ बाट निर्वाचित सांसद रावल रोष्ट्रममा पुगे । सहरी विकास मन्त्रालयकाको वार्षिक कार्यक्रमबारे आफूले बोल्न चाहेको बताएका उनी त्यसपछि मौन रहे । नबोली उभिएका रावल देखेर सबैजना मुखामुख गर्न थाले । कार्यक्रम सञ्चालन गरिरहेकी राधा ज्ञवालीले ‘माननीयज्यू के भयो ?’ भनेर सोधिन् । ‘ सभामुखज्यू, केही नभएकाले नबोलेको,’ रावलले जवाफ दिए र फेरि मौन रहे । सभामुखको आसनमा रहेकी ज्ञवालीले दोहोराएर सोधिन्, ‘ माननीयज्यू यो त समयको सदुपयोग भएन नि ।’ रावलले केही भए पो बोल्नु भन्दै बैठक कक्षतर्फ हेरेर मौन रहे । उनले घडी हेरे ६ मिनेट बोल्ने समय पाएका रावलले ४ मिनेट मौन उभिएरै बिताएसकेका थिए । ज्ञवालीले सांकेतिक विरोधको ध्यानाकर्षण भइसकेकाले बोल्न आग्रग गरिन् । बुधबारको अन्नपूर्ण पोस्टबाट