Logo
७ कार्तिक २०७८, आईतवार
     Sun Oct 24 2021
E-paper
  English Edition
   Unicode
Logo

स्थानीय निकाय पुनःसंरचनामा स्थानीयको विरोध



भक्तपुर, २  मङ्सिर । स्थानीय निकायको पुनःसंरचना गर्दा नागरिकको सुझाव नलिएको भन्दै स्थानीयवासीले विरोध जनाएका छन् ।

नगरपालिका समायोजन गरी भक्तपुरका छ नगरपालिका घटाएर चार बनाउने प्रस्ताव जिल्लाको स्थानीय तह पुनःसंरचना प्राविधिक सहयोग समितिले आयोगमा पठाएकामा विरोध गरिएको हो ।  चाँगुनारायण नगरपालिकाको आयोजना तथा सूचना अधिकार समाज भक्तपुरको सहजीकरणमा हिजो  भएको सार्वजनिक सुनुवाइमा चाँगुनारायण नगरपालिकाका बासिन्दाले छ वटै नगरपालिका हुनुपर्नेमा जोड दिए ।

चाँगुनारायण –१४ का माधवप्रसाद न्यौपानेले नगरपालिका पुनःसंरचना गर्दा समायोजन गरिने नयरपालिका र वडा विभाजन गर्दा सम्बन्धित क्षेत्रको सुझाव नलिइएको बताउनुभयो । सो ठाउँकै रामेश्वर थापाले नगरपालिकाको समितिले मनोमानी ढङ्गबाट वडा विभाजन र नगरपालिका समायोजन गर्ने निर्णय गरेको आरोप लगाउँदै सो निर्णय तत्काल सच्याउन माग गर्नुभयो ।

चाँगुनारायण–१२ का नवराज काफ्लेले भक्तपुरमा डेढ वर्षअघि मात्र स्थानीय निकाय पुनःसंरचना गरिसकिएको बताउँदै अब पुनःसंरचना आवश्यक नभएको जिकिर गर्नुभयो ।  राप्रपा नेपालका केन्द्रीय सदस्य यवती कार्कीले नेपाली काँग्रेस, नेकपा(एमाले)बाहेक जिल्लाका छ दलले  छ वटै नगरपालिका हुनुपर्ने मागसहित समिति र आयोगमा ज्ञापनपत्र बुझाइसकेको बताउँदै चार वटा कायम गरिए अमान्य हुने बताउनुभयो ।

राष्ट्रिय जनमोर्चाका जिल्ला अध्यक्ष शिवहरि खनालले प्राविधिक सहयोग समितिले दलको विरोधपछि छ वटै नगरपालिका बनाउने प्रस्तावसहितको अर्को खाका गाउँपालिका, नगरपालिका तथा विशेष संरक्षित वा स्वायत्त क्षेत्रको सङ्ख्या तथा सीमा निर्धारण आयोगमा पठाइएको जिकिर गर्नुभयो ।

नेमकिपा, चाँगुनारायण नगर संयोजक मीनबहादुर बाटाले सीमा निर्धारण आयोगले जनताको भावना र माग सुनुवाइ नगरी चार वटै नगरपालिका घोषणा गरे आफूहरु आन्दोलनमा उत्रिने चेतावनी दिनुभयो ।

कार्यक्रममा एमाले चाँगुनारायण नगरपालिका अध्यक्ष रमेश बुढाथोकी, भक्तपुर अस्पतालका अध्यक्ष नवराज गेलाल, स्थानीयवासी मनिषा कार्की, चण्डिका लामिछाने, रमेश सापकोटा, उमेश प्रधान लगायतले सार्वजनिक जग्गा अतिक्रमण रोक्न सम्बन्धित निकायले चासो दिनुपर्ने, योजनाका नाममा छुट्याइएको बजेटको  सदुपयोग हुनुपर्ने, कृषि पेसालाई व्यावसायिक विकास गर्न कृषि कार्यालयले योजना बनाउनुपर्ने, सडक र घर नक्साको मापदण्ड कडाइका साथ पालना गराउनुपर्ने, खानेपानी समस्या समाधानका लागि नगरपालिकाले योजना बनाउनुपर्ने माग गर्नुभयो ।

चाँगुनारायण नगरपालिकाका कार्यकारी अधिकृत लोकनाथ भुसालले जनताका माझबाट उठेका माग सम्बन्धित निकायसम्म पु¥याएर समाधानका लागि पहल गरिने प्रतिबद्धता व्यक्त गर्नुभयो ।   सूचना अधिकार समाज भक्तपुरका अध्यक्ष सोम शर्मा बजगाईंले स्थानीय निकाय नागरिकको आवश्यकता र विकासको साझा अवधारणाबाट सञ्चालित हुनुपर्नेमा जोड दिनुभयो ।

सुनुवाइमा जिल्ला प्राविधिक कार्यालयका जिल्ला इन्जिनियर कुमार पुडासैनी, जिल्ला कृषि विकास कार्यालयका प्रमुख पूर्ण ढुङ्गाना, खानेपानी तथा सरसफाइ कार्यालयका अधिकृत भीमप्रसाद शर्मा लगायतले जनताबाट प्राप्त गुनासा र सुझावका आधारमा काम गरिने प्रतिबद्धता व्यक्त गर्नुभयो । रासस


यो खबर पढेर तपाईलाई कस्तो महसुस भयो ?

धन्न पानी र अन्न बिना पानी बिना अन्न मानव जीवन रहन्न । यदि नहुँदो

१. पीडाको कथा मनको व्यथा बलिको प्रथा । २. हाम्रो अक्कल अज्ञानी पशु बध

जति जति रिस धा–यो त्यत्तिकै पोल्छ छाती । खुस मनसित रम्ने चाहना लुट्छ साथी

काठमाडौँ । पूर्वमन्त्री तथा माओवादी नेतृ रेखा शर्मालाई नेकपा (माओवादी केन्द्र)ले राजकीय मामिला तथा