हामी सबैकाे संसारन्यूज

२ मंसिर, काठमाडौ । उद्योग मन्त्रालयले ५० हजार युवा तथा महिलाका लागि रोजगारी सिर्जना गर्ने योजना अघि सारेको छ । मन्त्रालयको कार्ययोजना कार्यान्वयनबारे जानकारी गराउँदै मन्त्री नविन्द्रराज जोशीले ११ हजार ४ सय ५० जनालाई ६ महिनाभित्र रोजगारीका लागि कार्यक्रम तयार हुने बताए ।
मन्त्रालयले गत भदौँ २६ को समयसीमा निर्धारण गरी सार्वजनिक गरेको कार्ययोजनको कार्यान्वयनका बारेमा जानकारी जानकारी दिँदै उक्त कुरा बताएका हुन् । उनले नेपालमा स्वदेशी तथा वैदेशिक लगानीका लागि राम्रो वातावरण बनेको बताउँदै आगामी फागुन १९ र २० गते नेपालमा अन्तर्राष्ट्रिय लगानीकर्ता सम्मेलन गरी जानकारी पनि दिएका थिए ।
सो अवसरमा उनले बन्द उद्योगहरु पुनः सञ्चालनका लागि पहल भैरहेको जानकारी गराउँदै ती उद्योगहरु सार्वजनिक, निजी साझेदार मोडलमा सञ्चालन हुने बताए । नेपाल औषधी लिमिटेडको पुनः सञ्चालन अन्तिम अवस्थामा पुगेको बताउँदै त्यसैगरी हेटौँडा कपडा उद्योग पनि नेपाली सेना, नेपाल प्रहरी र सशस्त्र प्रहरी बलको लगानीमा पुनः सञ्चालन हुने जानकारी गराएका थिए ।