हामी सबैकाे संसारन्यूज

६ असार, काठमाण्डौं । प्रधानमन्त्री कृषि आधुनिकीकरण परियोजना अन्तर्गत खाद्य अनुगमन तथा परीक्षणका लागि चारवटा मोबाइल भ्यान प्रयोगशाला खरिद गर्दा २४ करोड भन्दा धेरै भ्रष्टाचार भएको छ ।

सम्झौता भन्दा कमशल प्रयोगशाला खरिद गरेर भ्रष्टाचार गरेको भन्दै अख्तियार दुरुपयोग अनुसन्धान आयोगले  प्रधानमन्त्री कृषि परियोजनाका सहसचिव सहित १३ जना विरुद्ध विहिबार विशेष अदालतमा मुद्दा दायर गरेको छ ।
विभागले खाद्य गुणस्तरको अनुगमन प्रभावकारी बनाउन भन्दै प्रधानमन्त्री कृषि आधुनिकीकरण परियोजनाको २४ करोड बजेटमा चारवटा मोबाइल भ्यान प्रयोगशाला खरिद गरिएको थियो ।

प्रधानमन्त्री कृषि आधुनिकीकरण परियोजना खाद्य प्रविधि तथा गुण नियन्त्रण विभागले संयुरक्त रुपमा टेन्डर आव्हान गरेका थिए । दक्षिण एसियामै पहिलोपटक यस्तो भ्यान खरिद गरिएको भनेर प्रचार समेत भयो । तर, भ्यानमार्फत् अनुगमन र परीक्षण भने हुन सकेन । किनकि ल्याबका सामान गुणस्तरहिन थिए । त्यसलाई लामो समय थन्क्याएर राखिएको थियो । नयाँपत्रिका दैनिकबाट