Sansar News
७ असार, अष्ट्रेलिया । अमेरिका, अष्ट्रेलिया लगायत एसियाका विभिन्न देशमा सक्रिय हुँदै अगाडि बढेको गिरिजा प्रसाद कोइराला (जिपी कोईराला) फाउन्डेशनको अष्ट्रेलिया शाखालाई अष्ट्रेलियाको सबै राज्यमा पुर्याउनका लागि पहल थालिएको छ ।
नेपाली राजनीतिक क्षेत्रमा लोकतन्त्रका पिता भनेर चिनिने पूर्वप्रधानमन्त्री तथा नेपाली कांग्रेसका सभापति समेत रहेका स्व. गिरिजाप्रसाद कोइरालाको नाममा खोलिएको उक्त फाउन्डेशनको अष्ट्रेलिया शाखाले स्व. गिरिजा प्रसाद कोईरालाको विचार र योगदान विदेशमा पनि फैलाउने उद्धेश्यसहित अष्ट्रेलियाका सबै राज्यमा पुर्याउनका लागि पहल थालिएको बताइएको छ ।
नेपाली कांग्रेसका केन्द्रीय सदस्य मिनेन्द्र रिजालको प्रमुख आतिथ्यतामा हालै आयोजित एक अन्तरक्रिया कार्यक्रममा प्रमुख अतिथि डा. रिजालले गिरिजाप्रसाद कोईरालाको विचारलाई राष्ट्रिय\अन्तर्राष्ट्रियरुपमा फैलाउन फाउण्डेशनले गर्दै आएका गतिविधिहरुको प्रशंसा गरेका थिए ।
त्यस्तै जिपी कोईराला फाउन्डेशन अष्ट्रेलियाका संयोजक रमेश छतकुलीले फाउन्डेशनलाई अष्ट्रेलियाका सबै राज्यमा पुर्याउनका लागि आफूहरु सक्रिय रहेको बताए ।
सो अन्तरक्रिया कार्यक्रममा जनसम्पर्क समितिका अध्यक्षहरु कृष्ण गिरी, सन्तोष सिटौला, अस्ट्रेलियाका लागि नेपाली महावाणिज्यदूत चन्द्र योञ्जन लगायतको पनि उपस्थिति रहेको थियो ।
मकाउमा जिपी कोईराला फाउन्डेशनको उद्घाटन
वि.सं.२०७६ असार ७ शनिवार ०९:०४ मा प्रकाशित
