हामी सबैकाे संसारन्यूज

९ असार, काठमाडौँ । गठन हुन गैरहेको चिकित्सा शिक्षा आयोगमा उपाध्यक्ष पदका लागि दरखास्त आह्वान गरिएको छ । चिकित्सा शिक्षा आयोगको उपाध्यक्षका लागि सिफारिस गर्न गठित सिफारिस समितिले दरखास्त आह्वान गरेको हो ।

चिकित्सा क्षेत्रमा विशिष्ट योगदान पु¥याएका चिकित्सकहरु मध्येबाट नेपाल सरकारले नियुक्त गरेको एक जना उपाध्यक्ष रहने प्रावधान भएबम्मोजिम ६१ वर्ष उमेर ननाघेको व्यक्तिले आवेदन दिन सक्ने जनाइएको छ ।

इच्छुक आवेदकले १५ दिनभित्र चिकित्सा शिक्षा आयोगको उपाध्यक्ष भएपछि आयोगको नेतृत्व गर्ने र नेतृत्वदायी भूमिका बन गर्ने सम्बन्धी बढीमा ३ हजार शब्दको सोचपत्र र बढीमा ३ हजार शब्दको ४ वर्षे व्यवसायिक कार्ययोजनासमेत संलग्न गरी सिलबन्दी दरखास्त सिफारिस समितिको सचिवालय, शिक्षा, विज्ञान तथा प्रविधि मन्त्रालय सिंहदरबारमा बुझाउनु पर्दछ ।

सूचना लोकसेवा आयोगको वेबसाइट www.psc.gov.np तथा शिक्षा, विज्ञान तथा प्रविधि मन्त्रालयको वेबसाइट www.moe.gov.np मा समेत हेर्न सकिने छ ।