हामी सबैकाे संसारन्यूज

९ असार, काठमाण्डौं । धौलागिरी सांस्कृति समिति काठमाण्डौंले श्रष्टा सम्मान कार्यक्रम गर्ने भएको छ ।

आउदो असार १४ गते बालुवाटारको डेलिस ओपेरा रेष्टुरा एण्ड ब्यांकेटमा आयोजना गरिन लागिएको उक्त सम्मान कर्याक्रममा वरिष्ठ कलाकारहरु जीवन शर्मा, खड्ग गर्वुजा र बिमलराज क्षेत्री चर्चित गायक कुलेन्द्र विश्वकर्मा, वसन्त थापा, सर्जक नवराज पन्त लगायतलाई सम्मान गरिने आयोजकले जनाएको छ ।

चर्चित कलाकाहरहरुको सांगितीक प्रस्तुति समेत हुने उक्त श्रष्टा सम्मान कार्यक्रममा धौलागिरीभित्रका कलाकारहरुलाई उपस्थित भइदिन पनि समितिले अनुरोध गरेको छ ।

निशुल्क प्रवेशको व्यवस्था गरिएको उक्त कार्यक्रममा दहि चिउरा खाँदै नृत्य र व्यंग्य कार्यक्रमहरु पनि रहेको सचिव सुजन बराईले जानकारी दिएका छन् भने सोहि दिन समितिको सदस्यता लिन सकिने व्यवस्था समेत रहेको अध्यक्ष कृष्ण समिपले बताएका छन् ।