Logo
१२ मंसिर २०७८, आईतवार
     Sun Nov 28 2021
E-paper
  English Edition
   Unicode
Logo

दश वर्षभित्रमा नेपाल कृषिमा आत्मनिर्भर हुने कृर्षि मन्त्रीको दावी



३ मंसीर, चन्द्रौटा (कपिलवस्तु) । कृषिमन्त्री गौरीशङ्कर चौधरीले आगामी दस बर्षभित्रमा नेपाल कृषिमा आत्मनिर्भर हुने बताउनुभएको छ ।

‘चन्द्रौटा तेस्रो कृषि, पर्यटन तथा औद्योगिक व्यापार महोत्सव २०७३’ को विहिबार कपिलवस्तुको चन्द्रौटामा उद्घाटन गर्दै उहाँले भन्नुभयो – कृषि क्षेत्रको विकास एवम् उन्नयनका लागि सरकारले बिभिन्न महत्वपूर्ण कार्ययोजना बनाएर काम गर्न सुरु गरेकाले अगामी दस बर्षभित्रमा नेपाल कृषिमा आत्मनिर्भर हुनेछ ।

मन्त्री चौधरीले हालै मात्र सरकारले प्रत्येक प्रदेशमा ‘सुपर जोन’ कृषि कार्यक्रम गर्ने निर्णय गरेको उल्लेखगर्दै यसले आधुनिक कृषि प्रणालीको विकासमा सहयोग पुरियाउने र कृषि उत्पादनमा समेत उल्लेखनीय वृद्धि हुने बताउनुभयो ।

कृषि र सिँचाइ मन्त्रालय अलगअलग भएकाले काम गर्न केही अप्ठ्यारो भएको बताउँदै उहाँले कृषि र सिँचाइसम्बन्धी काम एउटै मन्त्रालयबाट हुनसके सिँचाइ र कृषिसम्बन्धी समस्या समाधान हुनेमा जोड दिनुभयो ।

मन्त्री चौधरीले कपिलवस्तु धान र गहँु उत्पादनमा सक्षम जिल्ला भएको भन्दै स्थानीयस्तरमा चिस्यान केन्द्र स्थापना गर्न चाहने कृषकका लागि सरकारले पाँच वर्षसम्मका लागि निव्र्याजमा ऋण उपलब्ध गराउने नीति लिएको बताउनुभयो ।

स्थानीय, प्रदेशीय र संसदीय निर्वाचन सम्पन्न गर्नका लागि सबै असन्तुष्ट पक्षलाई मिलाउनुको विकल्प नभएको भन्दै उहाँले संविधान संशोधन हुन आवश्यक भएको पनि बताउनुभयो ।

कपिलवस्तको बहादुरगन्जमा रहेको सर्पदंश उपचार केन्द्रलाई आर्थिक सहयोग र यस क्षेत्रका धार्मिक पर्यटकीयस्थलको प्रवद्र्धन गर्ने उद्देश्यले कपिलवस्तुको चन्द्रौटामा आजदेखि सुरु भएको उक्त महोत्सव मङ्सिर १२ गतेसम्म सञ्चालन हुने छ ।

‘कृषि, पर्यटन, उद्योग र व्यापार, आर्थिक समृद्धिको मूल आधार’ भन्ने मूल नारासहित सुरु भएको महोत्सवमा स्थानीय कृषि उत्पादनलाई विशेष प्राथमिकतामा राखिएको छ । स्थानीय तहमा उत्पादन भएका कृषिजन्यवस्तु तरकारी, फलफूल, माछा लगायतका व्यवसायलाई मुख्य सहुलियतकासाथ कक्ष उपलब्ध गराएको आयोजकले जनाइएको छ ।

स्थानीय कृषकले उत्पादन गरेका वस्तु, हस्तकला, कुटीर उद्योग, व्यापार व्यवसाय, महिला उद्यमको बजारीकरण, विकास र प्रवद्र्धन गर्ने मुख्य लक्ष्यसहित सुरु भएको उक्त महोत्सवमा विद्यालयका बालबालिका र शिक्षकद्वारा निर्मित शैक्षिक प्रदर्शनी तथा शैैक्षिक परामर्श पनि दर्शकका लागि आकर्षणको केन्द्रको रुपमा रहेको छ ।

यसैगरी महोत्सवमा बालउद्यान, झुला, मौतका कुँवा, रोटेपिङ लगायतका अधिकांश नयाँ मनोरञ्जका सामग्री सञ्चालनमा ल्याइएको छ ।


यो खबर पढेर तपाईलाई कस्तो महसुस भयो ?

काठमाडौं । नेकपा (एमाले)का अध्यक्ष केपी शर्मा ओली बन्दसत्रमा प्रस्तुत गर्ने पदाधिकारी र केन्द्रीय

काठमाडौं । सर्वसम्मत नेतृत्व चयनको प्रयासमा रहेका एमाले अध्यक्ष केपी शर्मा ओलीले नेताहरुसँग व्यक्तिगत

फर्शुराम भुर्तेल,पर्वत । गण्डकी प्रदेश पर्वत जिल्लाको पैञ्यू गाउँपालिकामा माओवादी शक्ति पुर्नसंगठित हुँदै अघि

काठमाडौं । पार्टी अध्यक्ष पदमा उम्मेदवारी घोषणा गरेका भीम रावललाई पर्चा बाँड्न पनि अवरोध

अफ्रिका । इमिरेट्स एयरलाईन्सद्धारा घानाको एयरपोर्टमा अचेत अवस्थामा छोडिएका रुकुमका रुपक बोहोराको उपचारकै क्रममा