हामी सबैकाे संसारन्यूज

९ असार ।

“जतिसुकै जे भनेपनि कामी दमाईले आफ्नो औकात देखाएर जात जनाउँछ भनेको हो रैछ । आफू भन्दा अग्रज स्रष्टा शम्भु राईज्यूको गितको लय र भाकाको अंश चोरेर झन् आफै ठूलो कुरा गर्ने र अग्रज स्रष्टाको अपमान गर्ने यी प्रकाश सपुत भनेको कामीको मानसिकता पनि दलित नै रैछ ।”

सुवास मंगोल भन्ने व्यक्तिले लेखेको यो स्टाटसबाट दलित समुदाय आक्रोशित बनेको छ । हाल निकै चर्चित बनेको गलबन्दि लोकगितको भाका चोरी गरिएको भन्दै उसले लेखेको स्टाटस दलित समुदायको मान मर्यादामा ठेस पुग्ने गरी अमर्यादित र असभ्य रहेको स्पष्ट छ । गलबन्दीका गायक प्रकाश सपुत र शान्ति सिंह परियारमाथि अत्यन्त छुद्र शब्दले गालि गरिएको छ । त्यसपछिका उनका स्टाटसहरु दलित सुमदायलाई थप उत्तेजित बनाउने खालका छन् ।

त्यस्तै सञ्जीव राई कान्छाले पनि दलित समुदायलाई अत्यन्त पीडाहुने खालको अपशब्द प्रयोग गरेका छन् ।

यसविषयमा संघीय संसदमा पुर्ब बाणिज्य मन्त्रीसमेत रहेका नेपाली कांग्रेसका सांसद मीन विश्कर्माले  शुन्य समयमा बोल्दै  उनीहरुमाथि कार्वाहीको माग गरेका छन् । मंगोलले प्रयोग गरेका शब्दहरु समाजमा जातिय विभेद बढाउन सक्ने हुँदा उनलाई तत्काल पक्राउ गरी कानुनी कार्वाही अगाडि बढाउनु उचित देखिन्छ । अन्यथा यस्ता संवेदनशिल विषयलाई सामान्य रुपले लिने गल्ति राज्यले गर्न हुँदैन ।

भाका चोरिएको भए नेपाल प्रतिलिपि अधिकार अन्तर्गत छिनोफानो गर्न सकिन्छ तर समुदायको मानमर्दन हुने गरि अपशब्द प्रयोग गरिनु कानुनी अपराध हो ।

गायक शम्भू राईले प्रकाश सपुतविरुद्ध पाल प्रतिलिपि अधिकार रजिष्ट्रारको कार्यालयमा उजुरी दिएका छन् । रजिष्ट्रार कार्यालयले सपुत र राईलाई मिल्नका लागि तीन दिनको समय दिएको छ ।
प्रतिक्रिया स्वरुप कसले के भनेका छन् ?