हामी सबैकाे संसारन्यूज

१८ असार, काठमाडौ । नबिल बैंक र विराट नर्सिङ होम एण्ड विराट मेडिकल कलेज अस्पताल बीच विशेष छुट सम्बन्धि सम्झोता भएको छ ।

उक्त सम्झौतामा नबिल बैंकका डेबिट, प्रिपेड तथा क्रेडिट कार्ड प्रयोगकर्ताहरुले विराट अस्पतालमा विशेष छुट र सुविधा पाउने गरी सम्झौता भएको हो ।
उक्त सम्झौता बमोजिम विराटनगर अस्पतँलले नबिल बैंकका डेबिट, प्रिपेड तथा क्रेडिट कार्ड प्रयोगकर्ता र शेयरधनीहरुलाई विशेष छुट र सुविधाहरु प्रदान गर्ने बताइएको छ ।

ग्राहकहरुलाई अधिक सेवा प्रदान गर्ने बैकंको प्रयासको निरन्तरता स्वरुप अस्पतालको यस सम्झौताले हाम्रा कार्ड प्रयोगकर्ताहरुलाई स्वास्थ्य सेवामा लाभ पुग्ने विश्वास नबिल बैंकका विराटनगर शाखाका शाखा प्रबन्धक राजेश दासले व्यक्त गरे ।

नेपाली नागरिकहरुलाई अधिक सेवा पु¥याउने प्रतिबद्धता अनुरुप नबिल बैंकसँंग सहकार्य गर्न पाउ“दा खुसी लागेको र उक्त सम्झौताले थप एक कदम अगाडी बढ्न मद्दत पुगेको विराटनगर अस्पतालका निर्देशक सुनिल तपरियाले बताए ।

४०० बेड सहितको स्वास्थ्य संस्था, विराटनगर अस्पतालले १९ बर्ष देखि गुणस्तरिय स्वास्थ्य सेवा प्रदान गर्दै आएको पनि अस्पतालले बताएको छ ।

नबिल बैंकले ७९ वटा शाखाहरुको सञ्जाल, १३३ वटा एटिएमहरुको विशाल संरचना र १,५०० भन्दा बढी नबिल रेमिट एजेन्टहरुका साथमा देशव्यापी रुपमा र विश्वभर धेरै एजेन्टहरु मार्फत् सेवा प्रदान गरेर आफ्ना सबै सरोकारवालाहरु स“गै अघि बढ्ने विश्वास लिएको पनि विज्ञप्तिमा जनाइएको छ ।