हामी सबैकाे संसारन्यूज

मेरो देश !
शान्तिको देश
गौतम बुद्ध जन्माउने देश
शान्तिको दिपक जलाउने देश !

मेरो देश
वीरहरुको देश
वीर सपूतहरु जन्माउने देश
अमरसिंह भक्ती थापा र
बलभद्र हुर्काउने देश !

जहाँ आफ्नो देशको निम्ति
त्याग भयो
कसै सामु घुँडा टेकीएन
नालापानीको युद्ध होस्
या अंग्रेज सामु आफ्नो
शिर कहिले झुकाइएन
मेरो देश मेरो देश !

मेरो देश
सीता, भृकुटी र पासाङको देश
हिमालय पुत्री गौरीको देश
नेपाल आमाको शिर उच्च राखी
देश र जन्मभूमी प्रती आफ्नो
मर्यादा कायम राख्ने
त्याग र बलिदानले
गौरवमय मेरो देश ।

मेरो देश सहिदको बलिदानले
गौरवान्वित भएको देश
जहाँ गंगालाल धर्मभक्त
शुक्रराज र दशरथ चन्द
जन्मेको देश !
सहिदको रगत र बलिदानले
रंगिएको मेरो देश
एकातिर बुद्धको आँखाले शान्ति
छरिरहने मेरो देश
अर्कोतिर
राष्ट्रदेव पशुपतिले रक्षा गरिरहेको
कतै शंखको पबित्र ध्वनि
गुन्जिरहने मेरो देश
कतै बेद्को पबित्र ऋचाको गुन्जन
यस्तो छ मेरो देश
सुन्दर देश
नेपाल देश !!

*********************