२७ असार, काठमाडौँ । शिक्षा विकास तथा समन्वय इकाइ सल्यानमा कार्यरत इकाइ प्रमुख धनबहादुर ओली घुस मागिरहेको अवस्थामा पक्राउ परेका छन् ।
शिक्षा विकास तथा समन्वय इकाइ सल्यानमा कार्यरत इकाइ प्रमुख ओलीले शिक्षक सरुवा प्रक्रिया सहजीकरणको लागि सेवाग्राहीसँग घुस माग गरेको भन्ने सूचनाको आधारमा अख्तियार दुरुपयोग अनुसन्धान आयोगको कार्यालय सुर्खेतको टोलीले ओलीलाई पच्चीसहजार रुपैयाँ घुस लिदै गरेको अवस्थामा पक्राउ गरेको हो ।
अनुसन्धानका क्रममा नियमसम्मत सरुवा गर्नुपर्नेमा त्यसो नगरी आफ्नो पदीय जिम्मेवारीको ख्याल नगरी बद्नियतपूर्वक काममा ढिलासुस्ती गरी सेवाग्राहीसँग घुस लिएको अनुसन्धान टोलीले बताएका छन् ।
ओलीललाई भष्टाचार निवारण ऐन, २०५९ को दफा ३ को उपदफा (१) र दफा ३ को उपदफा १ को देहाय (क) बमोजिम बिगो २५ हजार रुपैयाँ सहित विशेष अदालत काठमाडौँमा आरोपपत्र दायर गरिएको बताइएको छ ।
