हामी सबैकाे संसारन्यूज

२८ असार, काठमाण्डौं । विहिबार रातिदेखि आएको अविरल वर्षा तथा बाढीका कारण देशभरी ३० जनाको मृत्यु भएको छ ।
मृत्युहुनेमा ललितपुरमा ५, काठमाडौं, खोटाङ, काभ्रेमा ३र३ जना, भोजपुर, मकवानपुर, धादिङ र सिन्धुलीमा २ र २ जना तथा ओखलढुंगा, पर्सा, रामेछाप, ईलाम, झापा, सुनसरी, बारा र चितवनमा १ र १ जना गरी ३० जनाको ज्यान गएको हो ।

वेपत्ता
त्यस्तै वेपत्ता हुनेहरुमा सिन्धुलीमा ४ जना, भोजपुरमा ३ जना तथा काठमाडौं, ललितपुर, पाँचथर, झापा, उदयपुर, मोरङ, सुनसरी, पर्सा, महोत्तरी, रौतहट, धादिङमा १र१ जना गरी १८ जना रहेका छन् ।

घाईते
त्यस्तै घाईते हुनेहरुमा मकवानपुरमा ४ जना, काभ्रेमा २ जना तथा खोटाङ, रामेछाप, धादिङ, दोलखा, सुनसरीमा र चितवन १ र १ जना गरी १२ जना रहेका छन् ।

उद्धार
प्रहरीका अनुसार बाढी पहिरोमा परेका काठमाडौंमा १०८ जना, उदयपुरमा १० जना, ललितपुरमा ८ जना, सिन्धुलीमा २ जना, सिराहमा २ जना, भक्तपुर, सुनसरी र मकवानपुरमा १ र १ जना गरी १३३ जनाको सकुशल उद्दार गरिएको छ । (स्थानिय प्रहरी कार्यालय र विपद व्यवस्थापन महाशाखाबाट परिचालित टोली समेबाट उद्धार गरिएको संयुक्त संख्या )। बाढी पहिरोबाट विभिन्न धनमाल समेत क्षति भएको छ । उद्धारका लागि २७ हजार ८३० प्रहरी कर्मचारी परिचालित गरिएको छ ।

बाढी तथा पहिरोबाट प्रभावित स्थानहरुमा सम्बन्धित प्रदेशका प्रहरी कार्यालयका प्रमुख, प्रहरी नायब महानिरीक्षकहरु सहित काठमाण्डौ उपत्यकामा ८८५६ जना, प्रदेश नं १ मा ६३०५ जना, प्रदेश नं २ मा ५७०२ जना, प्रदेश नं ३ मा ३४०५ जना , प्रदेश नं ६ मा ३११२ जना गरि २७,३८० प्रहरी कर्मचारीहरु परिचालित रहेको पनि प्रहरीले जनाएको छ ।

तस्बिर : रासस