हामी सबैकाे संसारन्यूज

पोखरा । मुक्तिनाथ विकास बैंक लिमिटेडले ४० प्रतिशतसेयर निस्कासन गर्ने भएको छ । शनिबार पोखरा स्थित होटल ग्राण्डमा सम्पन्न बैंकको दशौं वार्षिक साधारण सभाले आ. व. २०७२÷०७३ को मुनाफाबाट लाभांस वापत ३४ प्रतिशत बोनस सेयर प्रदान गर्ने प्रस्ताव पारित गरेको हो ।
उक्त ३४ प्रतिशत बोनस सेयर तथा हाल बाँडफाँडको क्रममा रहेको ५० प्रतिशत हकप्रद सेयर वितरण पश्चात हुन आउने चुक्ता पूँजी रु. १ अर्ब ५४ करोड २७ लाख १६ हजार २ सय ६० को ४० प्रतिशत हकप्रद सेयर जारी गर्ने पनि निर्णय गरेको छ ।
सो सभामा सञ्चालक समितिका अध्यक्ष मीन प्रसाद गुरुङ्गले प्रस्तुत गरेको वार्षिक प्रतिवेदनमा सो कुरा उल्लेख गरिएको छ । सोही सभाले यस विकास बैँकको केन्द्रीय कार्यालय कमलादी, काठमाण्डौंमा स्थानान्तरण गर्ने, बैंकको जारी तथा चुक्ता पूँजी रु. २ अर्ब १५ करोड ९८ लाख २ हजार ७ सय ६४ पु¥याउने र अन्य उपयुक्त वित्तीय संस्थासंग प्राप्ती÷गाभ्ने ९ब्अत्रगष्कष्तष्यलरःभचनभच० प्रयोजनको लागि सञ्चालक समितिलाई अख्तियारी प्रदान गर्ने लगायतका सम्पूर्ण सामान्य तथा विशेष प्रस्तावहरु सर्वसम्मतीले पारित गरेको छ ।
सोही सभामा, बैंकको लघुवित्त कार्यक्रम अन्तर्गत सञ्चालित केन्द्रहरुको आ.व.२०७२÷०७३ को मूल्याङ्कनको आधारमा शाखा स्तरीय छनौटमा प्रथम भएका केन्द्रहरु मध्येबाट सर्वोत्कृष्ट १० वटा केन्द्रहरुलाई नगद तथा प्रमाणपत्रले सम्मान गरिएको थियो ।