देउता नमान्ने म झुकेँ, मंदिरमा तिमी थियौ ।।
मैले बन्दुक उठाकै हुँ, जंजीरमा तिमी थियौ ।।
साउनेभेल नभनि, पौडेर आ’छु पारी बाट
बगाउँछ कि भन्ने डर, त्योतिरमा तिमी थियौ ।।
मैले अर्को पल बाँचेको, महसुस् नै गरिन
सुख दुखमा खस्ने, नयननीरमा तिमी थियौ ।।
कहिल्यै नहिडेको, अक्करको बाटो हिडेको थेँ
मर्छु जस्तो लागेन, तारेभीरमा तिमी थियौ ।।
नखाको वीष लाग्दैन, भन्थे ’रे बुढापाकाहरू
फेरि स्विकारेँ अपराध, नजीरमा तिमी थियौ ।।
लिम्चुङ्बुङ गाउँपालिका, वार्ड नं. ३
वि.सं.२०७६ साउन ११ शनिवार ०९:३४ मा प्रकाशित
