हामी सबैकाे संसारन्यूज

बुद्धको देशमा
शान्ति खोज्दै हिडेको यात्री
श्मशान घाटमा
तपस्य बसेको देखे

भोकले पेट जलेको बालकले
उसको पीडा बालुवाको थाकमा कोरेको देखेँ

रगतको फाल्चाहरूमा
जातिको अस्तित्व लाभा सरह उम्लिन्दै थियो
सिहंदरवारमा कोरिएको
कालो इतिहासले
रगतको साईनो खोज्दै हिडेको देखँे

यता विश्वलाई सुरक्षा दिने
धने र बिरेको शिरमा
लाल पुर्जाको जून टल्कीरहेको देखेँ

किपटसंगै आएको
ठुलीकान्छी र माइलीहरू
खोलाको बगरमा रूँदै गरेको देखँे

आमाले लिपेको चुल्हामा
पाहुनाको भात पाक्दै गरेको देखँे
बाबुको तिर्खामा
छोरो रमाएको देखेँ

बेरोजगारहरूले पिसिएका
शिक्षित युवा पिडी
विदेशतिर भौतारिएर
रेस्टुँराहरूमा लिलामी हुँदैगरेको देखँे

हलो जोत्ने पौराखी हातहरूको
धरती बाँझो छ
तर ….! झण्डा फर्फराउनेहरू
स्वर्ग पुगेको देखे

पिरामिडहरूमा मृतदेह सुरक्षित देखे
तर हाम्रा आत्माहरू
न्यायको खोजिमा
यत्रतत्र घुमिरहेको देखेँ

यो देशको सविंधान
लेख्न त चुकेन् बाजेहरू
तर आफ्नै भाग्य
लेख्न चुकेको विवशता लास देखे मैले
तर आफ्नै भाग्य लेख्न चुकेको विवशता लास देखे मैले

सिहमारी, दार्जिलिङ्ग