हामी सबैकाे संसारन्यूज

नवलपरासी । साहित्य, संस्कृति र कला– पर्यटन प्रवर्द्धनका शृङ्खला नाराका साथ बर्दघाट प्रज्ञा प्रतिष्ठान नवलपरासीले त्रिदिवसिय साहित्यिक, सांस्कृतिक तथा पर्यटन महोत्सब २०८१ को आयोजना गरेको छ ।
बैसाख २२, २३ र २४ गते सम्म सन्चालन हुने कार्यक्रममा प्रतिष्ठानले विभिन्न साहित्य प्रतिष्ठानका करिब ३० जना साहित्यकारहरूलाई आमन्त्रण गरेको छ । आमन्त्रित साहित्यकारहरूलाई प्रतिष्ठानले नगरभित्र रहेको साँस्कृतिक तथा ऐतिहासिक स्थलको अवलोकन गराउने छ ।

कार्यक्रमको पहिलो दिन प्रतिष्ठानद्वारा आमन्त्रित साहित्यकारहरूलाई वडा नं. १२ दविला रहेको बुद्धमंगल ताल, वडा नं. १६ मा रहेको वनकाली मन्दिर र वडा नं. ५ रहेको कन्चनगढी अवलोकन गराइएको थियो भने सो अवसरमा स्थानिय कलाकारहरूले भजन र नृत्य प्रदर्शन गरेका थिए ।

बर्दघाट प्रज्ञा प्रतिष्ठानका कुलपति डा. घनश्याम परिश्रमीले यस कार्यक्रमबाट नगरभित्र रहेका साँस्कृतिक एवम् ऐतिहासिक स्थलहरुको साहित्यको माध्यमबाट संसारभरी प्रवर्धन हुने विस्वास लिएको बताएका छन् ।

बर्दघाट प्रज्ञा प्रतिष्ठानका संरक्षक तथा मेयर शम्भुलाल श्रेष्ठले यस कार्यक्रमले स्थानीय संस्कृति र ऐतिहासिकस्थलको प्रवर्धन गर्न महत्वपूर्ण भूमिका निर्वाह गर्ने विस्वास लिएको बताए ।