Sansar News
१३ साउन, काठमाडौँ । नेपाली काङ्ग्रेसको जारी केन्द्रीय समिति बैठकमा सभापति शेरबहादुर देउवा पक्षीय नेताहरु नै पार्टीका रिक्त संरचनाको पूर्ति सहमतिमा गर्ने कि निर्वाचनबाट भन्नेमा विभाजित भएका छन् ।
जारी बैठकमा मुख्य एजेन्डाका रुपमा रहेको १४ औँ महाधिवेशनको विषयमा केन्द्रित भइरहँदा आइतबारको बैठकमा संस्थापन पक्षकै नेताहरु रिक्त संरचनाको पूर्ति सहमति कि निर्वाचनबाट भन्नेमा विभाजित देखिएका हुन् ।
गत शुक्रबारको बैठकमा संस्थापन पक्षका नेताहरुले सहमतिबाट रिक्त सबै तहको संरचना बनाउँदा महाधिवेशनमा तत्काल जान सकिने धारणा राखेका थिए । तर, आइतबारको बैठकमा भने संस्थापन पक्षकै नेताहरुबाट फरक फरक धारणा आएको हो ।
‘मेरो त प्रस्ट कुरा छ, सहमति यहाँबाट मात्रै गरेर हुँदैन । तलसम्म सहमति गर्न गाह्रो छ त्यसैले अलमल गरेर हुँदैन भन्ने धारणा मैले बैठकमा राखेको छु । निर्वाचनको विकल्प छैन,’ नाम उल्ल्ेख नगर्न भन्दै देउवा पक्षका ती केन्द्रीय सदस्यले राजधानीसँग भने । सोमबारको राजधानी दैनिकबाट
वि.सं.२०७६ साउन १३ सोमवार ०७:३१ मा प्रकाशित
