Sansar News
२२ साउन, काठमाडौँ । गृह मन्त्रालयले आर्थिक वर्ष २०७५÷७६ को वार्षिक प्रगति विवरणमा सुन तस्करीको अन्तराष्ट्रिय सञ्जाल तोड्न सफल भएको घटनालाई महत्वपूर्ण उपलब्धि मानेको छ ।
हप्तादिनअघि सार्वजनिक प्रगति विवरणको महत्वपूर्ण उपलब्धी सुन तस्करीको सञ्जाल तोडिएको गृहको दाबी सेलाउन नपाउँदै गोरखाको उत्तरी क्षेत्र धार्चेस्थित खोलबिास ओडारमा लुकाइराखेको १६ किलो र त्रिभुवन अन्तराष्ट्रिय विमानस्थलबाट चार किलो अवैध सुन बरामद भएको छ ।
यीदुई घटनाले सुन तस्करीको जालो अपत्यारिलो ढङ्गले जरा गाडेर बसेको स्पस्ट हुन्छ । अपराध अनुसन्धान विश्लेषक एवं पूर्वडी आईजी हेमन्त मल्ल ठकुरी सुन तस्करीमा नेपालको भूमि र भरियामात्र प्रयोग हुने गरेको बताउँछन् ।
त्रिभुवन अन्तराष्ट्रिय विमानस्थलबाट अवैध रुपमा आयात भएको ३३ किलो सुन काण्डको छानबिन गठन गर्न गठित उच्चस्तरीय छानबिन समितिले सुन भरियाको एउटा सञ्जाल भत्काए पनि अन्तराष्ट्रिय सुन तस्कर, बेपत्ता ३३ किलो सुन र मालिकको पहिचान गर्न नसक्दा अपराधीको मनोबल बढेको छ । बुधबारको गोरखापत्र दैनिकबाट
वि.सं.२०७६ साउन २२ बुधवार ०७:३२ मा प्रकाशित
