हामी सबैकाे संसारन्यूज

२३ साउन,काठमाडौं । सुनसरी, म्याग्दी र कञ्चनपुरमा भएका छुट्टाछुट्टै सवारी दुर्घटनामा परी ३ जनाको मृत्यु भएको छ ।

सुनसरी, ईनरुवा नगरपालिका – ४ स्थित सडकमा युपि ४१ जे ८२३४ नम्बरको ट्रकले को १९ प १७३ नम्बरको मोटरसाइकललाई बुधबार दिउँसो ठक्कर दिँदा गम्भीर घाइते भएका मोटरसाइकल चालक ईनरुवानगरपालिका १ बस्ने राम शर्माको उपचारको लागि जिल्ला अस्पताल इनरुवातर्फ लैजाने क्रममा बाटोमै मृत्यु भएको छ ।

दुर्घटनामा घाइते भएका मोटरसाइकलमा सवार ईनरुवानगरपालिका- ९ बस्ने मदन मेहत्तालाई उपचारको लागि गोल्डेन अस्पतालबिराटनगरतर्फ लगिएको छ । ट्रक र चालकलाई प्रहरीले नियन्त्रणमा लिएको छ ।

त्यस्तै म्याग्दी, बेनीनगरपालिका- ३ हल्लेगैडास्थित सडकमा बाटभकिम्लीतर्फजाँदैगरेकोग.१ज ७०५६ नम्बरको जिप सडकबाट अन्दजी ३५ मिटरतलखसेर बुधबार दिउँसो दुर्घटनाहुँदा जिपमा सवार बेनीनगरपालिका – ३ मुसुङबस्ने रत्नबहादुर खत्रीको बेनीअस्पतालम्याग्दीमा उपचारको क्रममा मृत्यु भएको हो ।

दुर्घटनामा घाइते भएका जिप चालक समेत अन्य १३ जनाको सोही अस्पतालमा उपचार भइरहेको छ ।

यसैगरी कञ्चनपुर, लालझडी गाउँपालिका– ६ मा म.२ प ३३८ नम्बरको मोटरसाइकलको राँगा डल्लबमा ठोक्किएर बुधबार राति दुर्घटना हुँदा गम्भीर घाइते भएका मोटरसाइकल चालक सोही गाउँपालिका ३ बस्ने डम्बर सिंह खत्रीको थप उपचारको लागि भारततर्फ लैजाने क्रममा बाटोमै मृत्यु भएको छ । डल्लब चालकलाई प्रहरीले नियन्त्रणमा लिएको छ ।

दुर्घटनाकासम्बन्धमा स्थानीय प्रहरीले थप अनुसन्धान गरिरहेको बताइएको छ ।