Sansar News
धेरै मानिसहरुलाई लाग्छ बिरामी गम्भीर भएपछि मात्र आइसीयुमा राखिन्छ । आइसीयुमा राखेका विरामीको बाँच्ने सम्भावना कम हुन्छ भन्ने पनि कतिपयलाई लाग्छ । तर, अन्तराष्ट्रिय तथ्यांक अनुसार आइसीयुमा राखेर उपचार गरिएका ७० प्रतिशत विरामी पूर्ण रुपमा निको भएको पाइन्छ ।
आइसीयूको पूरा नाम (इन्टेन्टिभ केयर युनिट) अर्थात् सघन उपचार कक्ष हो । यो वार्डमा गम्भीर खालका विरामीलाई राखिन्छ । यससँग सम्बन्धीत विज्ञानलाई क्रिटिकल केयर मेडिसिन पनि भनिन्छ ।
आइसीयूको पूरा नाम (इन्टेन्टिभ केयर युनिट) अर्थात् सघन उपचार कक्ष हो । यो वार्डमा गम्भीर खालका विरामीलाई राखिन्छ । यससँग सम्बन्धीत विज्ञानलाई क्रिटिकल केयर मेडिसिन पनि भनिन्छ ।
सामान्यता विरामीको अवस्था हेरेर २४ देखि ७२ घण्टासम्म (अवलोकन समय) आइसीयूमा राख्न सकिन्छ । हेमोडाइनामिक कन्डिसन अर्थात् सबै अंगले राम्रो काम गरेको अवस्थामा आइसीयूबाट जनरल वार्डमा सार्न सकिन्छ ।
शरीरका प्रमुख अंग ः मुटु, फोक्सो, मिर्गौला, कलेजोमा गम्भीर समस्या भएमा आइसीयूमा राख्ने गरिएको पनि विहिबारको नयाँ पत्रिकामा नेपाल नेसनल अस्पताल कलंकीका कन्सल्ट्यान्ट फिजिसियन डा. प्रकाश पौड्यालले लेखेका छन् ।
यस्तो अवस्थामा विरामीको अवस्था हेरेर १२ देखि १४ लिटरसम्म अक्सिजन दिइन्छ । त्यति गर्दा पनि शरीरमा अक्सिजनको मात्रा कम भएमा भेन्टिलेटरमा राख्नुपर्ने हुन्छ ।
मुटुको चालमा हुने हुने गडबडी, टाउकोमा लागेको चोटको कारण होस् गुमाउन सक्ने अवस्था भएमा, शरीरमा दुर्घटनाबाट लागेको चोट, शरीरबाट बढी रगत बगेमा वा प्रेसर नियन्त्रण नभएमा आइसीयूको आवस्यकता पर्छ ।
वि.सं.२०७६ भदौ ६ शुक्रवार ०९:१० मा प्रकाशित
