हामी सबैकाे संसारन्यूज

नेपाल कम्युनिष्ट पार्टी (नेकपा) का नेता देवेन्द्र पौडेलले आफूलाई राति निन्द्रा नलाग्दा लोकगीत सुन्ने गरेको बताउछन् । उनले अरुले जस्तो फेसबुक हेरेर बस्नुभन्दा लोकगीत सुन्न मनपराउने बताउँछन् । साथै उनले गाडी चलाउँदा पनि लोकगीत नै सुन्ने गरेका छन् ।

नेपाली महिलाहरुको महानपर्व तिज नजिक आउँदो छ । तर, नेता पौडेलले तिजले लय विर्सिएको बताउँछन् । उनका अनुसार आजभोली तिजको गीत खिजडी जस्तो तथा न दोहोरी त न आधुनिक गीत जस्तो भएको छ ।

तर, लोकगीतका पारखी उनले लोकदोहोरीले भने आफ्नो पन नबिर्सेको शुक्रबारको नयाँपत्रिकासँग बताएका छन् ।

‘क्यासेटमा रिलवाला चक्का हालेर कानमा एयरफोन लगाउँदै लोकगीत सुनिन्थ्यो । जनयुद्धको समयमा पनि चर्चित गीतका क्यासेट मगाएर सुन्थे । जनयुद्धमा लागेका साथीहरुलाई पनि लोकगीत सुन्न प्रेरित गर्थे । हिजो आज धेरैजासो गाडी प्रयोग गरिन्छ । अहिले क्यासेटको प्रचलन छैन,’ स्कुले जीवनमा गोठालो जाँदा लोक दोहोरी खुव सुनिएको बताउँदै पौडेल भन्छन्, ‘थकाइ लागेका बेला राति निन्द्रा लागेन भने सामाजिक सञ्जाल चलाउँदिन लोकगीत सुन्छु ।’