९ भदौ, काठमाण्डौं । संचारकर्मी रवि लामिछाने र पत्रकार युवराज कंडेलको बयान सकिएर थुनछेकको बहस सुरु भएको छ ।
पत्रकार शालिकराम पुडासैनीको आत्महत्या प्रकरणमा चितवन प्रहरीको हिरासतमा रहेका लामिछाने, युवराज कँडेल र नर्स रुकु कार्कीलाई आइतबार देखि बयान लिन सुरु गरिएको थियो । आइतबार रुकु कार्कीको बयान सकिए पनि रवि र युवराज पुन ः चितवन प्रहरीको हिरासतमा रहेका थिए ।
सोमबार लामिछाने र कँडेललाई पनि जिल्ला अदालत चितवनले बयान लिएको थियो । अब बादी र प्रतिवादीका वकिलबीच थुनछेकको बहस सुरु भएको छ ।
उनीहरुमाथि लगाइएको आरोप पृष्टि भए आत्महत्या दुरुत्साहनको कसुरमा ५० हजारसम्म जरिवना र ५ वर्ष जेल दुवै हुनसक्छ ।
न्युज २४ मा ‘सिधा कुरा जनतासँग’ का प्रस्तोता रवि लामिछानेसँग सँगै काम गरेका नुवाकोटका पत्रकार पुडासैनी पछिल्लो समय माउन्टेन टेलिभिजनमा कार्यरत रहेका थिए । उनी साउन २१ गते नारायणगढस्थित बसपार्कमा रहेको होटल कंगारुमा झुण्डिएको अवस्थामा फेला परेका थिए ।
वि.सं.२०७६ भदौ ९ सोमवार १३:५० मा प्रकाशित
