हामी सबैकाे संसारन्यूज

बलत्कार अपराध र भष्ट्रचारका घटना नरोकिए । अपराधीहरूलाइ कार्वाही नगरिए सत्ता पल्टिन्छ, सरकार ढालिन्छ, देशमा गृहयुद्ध हुन्छ भनेर, यस्ता अनावस्यक कुरा गरेर जनता मराउने बौद्धिकता नछाटौ अनि त्यस्तो राजनीति पनि नगरौ । राजाहरूले गोर्खा छोडे । गोर्खा सम्वद्ध बनाएनन् । उल्टै राजधानीमा दरबार, महल, व्यवसायहरू बनाए । जो सँग लडे । जस्ले अधिकार र सत्ता लिए । निर्वासन पठाए उनै राणाहरूका चेली बिहे गरे । पारिवारिक उठबस र सम्वन्ध पनि बनाए । जमिन अधिग्रहण गरे ।

सुनिन्छ, एक्काइस हजार रोपनी जमिन राजाहरूका नाममा छन् । दरबार सरकारी जमिन र जंगलहरूमा पनि छन् । राज परिवारका सदस्यहरू माथी हत्या र अनेक अपराध आरोपित छ । हत्याकाण्ड र अनेक नकरात्मक पक्षका इतिहास साक्षी छन् । छानबीन र भष्ट्राचार राजा र राजदरबारबाट सुरू हुनुपर्छ । राजाहरू गाउँबाट शहर पसेका अनि बसेका हुन । तर, कहिले बाजे बराजु जन्मेका र छोडेका स्थान र दरबार संरक्षित गर्न र सम्वृद्ध बनाउन लागेनन । पंच र पंचायती प्रधानमन्त्री, सासंद,मन्त्री, अंचलाधिश, जिल्ला सभापति, नेताहरू गाउँ छाडेर शहर बसेका छन् । तिनले पनि आफ्नो जन्मस्थल सम्वृद्ध बनाउन कहिले लागेनन् ।

राजा र पंचहरूले जन्मेको ठाउँ बनाउन लागेका भए आज देश र जनताका अवस्था यतिधेरै दयनिय हुने थिएनन् । ठूला पंचहरूका सम्पति कति छन्, छानविन हुनै पर्छ । काग्रेस, कम्युनिष्ट, राजपाहरूका नेताहरू गाउँबाट शहर पसेका हुन । ती पनि दल र सरकारका मुख्य पदमा पुगेका छन् । तिनका पनि महल र व्यवसाय छन् । तीनीहरूले पनि राजा, पंचहरू जस्तै शहर मै बस्ने, घर, महल र व्यवसाय मात्रै बनाउने काम नगरेका भए देश र जनताको अवस्था यतिबेला धेरैमाथि पुगिसक्थ्यो । तीनीहरू माथी पनि अकुत सम्पत्ति थुपारेको अभियोगमा छानविन हुनैपर्छ । कर्मचारी, डाक्टर, इन्जीनियर, पाइलट, ठूला व्यापारीहरू पनि गाउँबाट, विदेशबाट राजधानी पसे कै हुन । तिनीहरूले पनि आफ्नो जन्मस्थल बनाउन लागेको भए जन्मस्थल सुविधा सम्पन्न बनि सक्थ्यो । तिनका पनि घर, महल , जमिन , व्यापारहरू शहरमा छन् । तिनमा पनि छानबीन हुनैपर्छ । प्रहरी, सेना, न्यायालय, संवैधानिक निकाय, शैक्षिक र स्वास्थ्य क्षेत्रका ठूला र साना व्यक्तिहरू पनि शहरमा घर र महल बनाएर बसिरहेका छन । तीनले पनि आफ्नो बाबु बाजेको जमिन र जन्मस्थल बिर्से कै हुन । होइन भने, आज आम ग्रामिण क्षेत्र अबिकिसित हुने थिएनन् । तिनका पनि जायज नाजायज सम्पति हुन सक्छन । तिनका सम्पति माथी पनि छानविन हुनै पर्छ ।

गायक, नायकदेखि सबै तहका दल जन र डन, पेशेवर र ठेकेदारहरूका घर, महल र व्यवसाय शहरमा छन् । तिनका सम्पति माथी पनि छानविन हुनै पर्छ । क्षेत्रिय, जातिय र धार्मिक राजनिती गर्नेदेखि बाबा र माता बनेर साधारण जनतामा त्रास, भ्रम, हल्ला र अराजकता बनाइ शहरमा महल र आम्दानी बनाउनेहरू माथी पनि छानविन हुनै पर्छ ।

तरकारीदेखि राजनीतिसम्म बिचौलिया बनेर नाजायज फाइदा लिनेहरुको पनि शहरमा महल र व्यवसायहरू छन् । ती माथी पनि छानविन हुनै पर्छ । स्वदेश र विदेशमा बसेर अनावस्यक भ्रम, हल्ला, बनाएर देश र समाजमा बिभाजन, अराजकता, अस्थिरता, काटमार बनाउन भुमिका खेल्नेहरू माथी पनि छानविन हुनैपर्छ ।

समाचार र टिभी कार्यक्रममा संविधान बिरोधी, गणतन्र बिरोधी , लोकतन्त्र बिरोधीहरूलाइ मात्र स्थान दिने र अन्तर्वार्ता लिनेहरूमाथी पनि निगरानी गरिनै पर्छ । जस्ले व्यवस्था र अवस्थाप्रति घात हुने काम र वातावरण निर्माण हुने काम गरि रहेका छन् । समग्रमा देशको आजको स्थिति बनाउन र बिगार्न राजादेखि कर्मचारी सम्म । सबै तहका दलदेखि जनसम्म । पेशा र पेशाकर्मि सम्मको हात छ । ति सबै तह र क्षेत्रका मुख्य मानिसका शहरमा घर, महल र ठुला व्यवसाय छन् । तिनका सम्पतिमाथी पनि छानबीन हुनै पर्छ । त्यसैले आजका नेता मात्रै होइन हिजोका राजा, पंच , कर्मचारी लगायत सबैका सम्पति माथी छानविन र गलत छन भने कार्वाही हुनैपर्छ तर आजका नेता मात्र भष्ट्र र अपराधी भनेर हिजोका सबै भष्ट्र र अपराधीहरू बचाउने र तिनीहरूलाइ नै सत्तामा पुराउने राजनैतिक खेल हो भने यो गलत हो ।

रवि लामिछानेदेखि ज्ञानेन्द्र शाहीसम्म र अख्तियारदेखि ओली सम्मले राजादेखि आज सम्मका सबै मुख्य-मुख्य व्यक्तिहरूका जमिन, महल र सम्पति माथी छानविन गर्न आँट गर्नुपर्छ । म देखि ओली सम्म अनि रवि देखि ज्ञानेन्द्र शाहीसम्म तिनका नियत र सम्पतिमाथी अनुगमन गरिनु पर्छ । भष्ट्राचारको बिरोध गरेर ज्ञानेन्द्र शाहीहरू ज्ञानेन्द्र शाहको सत्ता ल्याउन हिडि रहेको हो कि होइन प्रष्ट पारिनु पर्छ । नेपालको झन्डा बोकेर नेपाली नेपाली लडाउन खोजिरहेको हो कि होइन प्रस्ट पारिनु पर्छ । होइन भने अपराध र भष्ट्रचारको बिरोधको नाममा आफू सम्पन्न र शक्तिमा पुग्ने खेल खेल्न कसैले पाइदैन । केहि खराब नेताको बिरोधको नाममा सबै नेता, कार्यकर्ता र दललाइ गाली गरेर जनताले लडेर ल्याएको व्यवस्था मास्न जनता मराउन पाइदैन ।