हामी सबैकाे संसारन्यूज

११ भाद्र, काठमाडौँ । नेपाली काङग्रेसका सभापति सेर बहादुर देउवाको हालको लडाई को सँग होला ?

यदि कसैले यो प्रश्न तपाईसँग राखे भने तपाइको सहज उत्तर हुनेछ, राजकीय सत्ताका लागि प्रधानमन्त्री केपि ओलीसँग र पार्टी सत्ताका लागि आफ्नै पार्टीका रामचन्द्र पौडेल, कृष्ण सीटौला र डा.ससाङ्क कोइरालासँग । झट्ट सुन्दा यो उत्तर सहि लागेपनि आजको मितिमा यस उत्तरले सहि अङ्क भने प्राप्त गर्दैन । त्यसो भए सहि उत्तर के होला त ? तपाइको जिज्ञासा एकदम उचित छ । तपाइको जिज्ञासाको सहि उत्तर हो, देउवाको लडाई उनकै गृह जिल्लाका पार्टी सभापति कर्ण मल्ल सँग रहेको छ ।

किन ? तपाइले फेरी जिज्ञासा थप्नु भयो भने त्यो पनि मनासीवनै हुनेछ । प्रदेश सभाका सांसद समेत रहेका मल्लले यस अघि सभापति देववालाई भरपुर सहयोग गरेकै थिए । तर पछिल्लो समयमा देउवाले श्रीमती आरजु राणाको सल्लाहमा मल्ललाई किनारा लगाउन सुरु गरे ।

मल्ललाई हटाउँदा देउवालाई सहज हुने देउवा समर्थकहरूको रायका कारण देउवा मल्ललाई आफ्ना बाटोबाट हटाउन चाहान्छन् । त्यसैले आरजुको संरक्षणमा देउवाले मल्लका सहयोगीहरूलाई पार्टी नेतृत्व हटाउन सुरु गरे ।

प्रयास जिल्ला महिला संघका सभापति सभापति कमला विष्टको निलम्बनबाट सुरु भएको छ ।

देउवा पत्नी आरजुले विष्टलाई निलम्बन गरेर कलावती बोहोरालाई महिला संघको नेतृत्व दिइएको छ । यस बाहेक मल्ललाई शक्तीहीन बनाउन नेविसंघ, तरुण दलका सभापतिलाई पनि हटाउने तयारी आरजुले गरेको बताइएको छ ।

जिल्लाका जनवर्गीय संगठनहरूको नेतृत्वमा आफ्ना मान्छे ल्याउन सके देउवा शक्तिसाली हुने विश्वासमा जिल्ला पार्टी सभापतीसँग केन्द्रिय सभापति देउवाको भीडन्त सुरु भएको स्रोतहरूले बताएका छन् ।