हामी सबैकाे संसारन्यूज

१० असोज, काठमाडौँ । नेपाली सेनाको इतिहासलाई हेर्ने हो भने यसको नेतृत्वमा शाह, राणा, ठकुरी र क्षेत्रीहरुकै बोलवाला देखिन्छ । राजा पृथ्वीनारायण शाहलाई संस्थापक प्रधान सेनापति मान्ने हो भने हालका प्रधान सेनापति पूर्ण चन्द्र थापा शाहका ४३ औँ उत्तराधिकारी हुन् । यस बिचमा वालानन्द शर्मा प्रधान सेनापतिको दौडमा रहेपनि उनले उक्त पद पाउन सकेनन् ।

वालानन्द पछि अर्का शर्मा प्रधानसेनापतिको दौडमा सरेका छन् । नेपाल सरकार मन्त्रिपरिषद्को निर्णय अनुसार १ वर्ष २ महिना १५ दिन पदावधि थपिएसँगै हालका प्रधान सेनापति थापाको उत्तराधिकारी उपरथी प्रभुराम शर्माले प्राप्त गर्ने सम्भावना बढेको छ ।

वलाध्यक्ष रथी गौरव तन्डुल र सरद गिरीले अवकास पाउनासाथ शर्मा थापा पछिको वरीयतामा पर्ने छन् । यससँगै पहिलोपटक एकजना ब्राम्हणले सेनाको नेतृत्व गर्ने मौका पाउने सम्भावना बढेको जङ्गी अड्डा श्रोतले बताएको छ ।