हामी सबैकाे संसारन्यूज

६ कात्तिक, काठमाण्डौ । दोहोरो नागरिकता विवादमा मुछिएका कांग्रेस सांसद देवेन्द्रराज कँडेल उर्फ ‘मुन्नाबाबु’ विरुद्ध भारतमा अपहरण मुद्दा पनि चलिरहेको छ । उनीमाथि उत्तरप्रदेश, ठुटीबारीका उज्जवल सिंहको अपरहण गरेको आरोप छ ।

हिन्दुस्तान दैनिकका अनुसार चार वर्षअघि उज्जवल नेपाल आएका बेला कँडेलको योजनामा उनलाई नवलपरासीबाट अपहरण गरिएको थियो । कंडेलसहित पाँचजनाविरुद्ध उज्जवलकी पत्नी सुनिता सिंहले भारतीय प्रहरीको महाराजगन्ज तहसिलमा जाहेरी दिएकी थिइन् । अहिले त्यो मुद्दा इलाहावाद हाइकोर्टमा विचाराधिन रहेको छ ।

जाहेरी अनुसार उज्जवललाई ३० अक्टुबर २०१५ मा अपहरण गरिएको थियो । त्यतिबेला अपहरणविरुद्ध ठुटीबारी बजार नै बन्द गराएर दशगजा क्षेत्रमा नाराबाजी गरेका थिए । बुधबारको नयाँपत्रिका दैनिकबाट