हामी सबैकाे संसारन्यूज

२४ कार्तिक, काठमाडौँ । प्रधानमन्त्री केपी ओलीेले सल्लाहकार र सचिवालयका सहयोगीलाई पदबाट हट्न निर्देशन दिएका छन् । प्रधानमन्त्री ओलीले सबै सल्लाहकारहरुलाई मसिंर १ देखि लागू हुनेगरी राजीनामा दिन निर्देशन दिएको स्रोतको दाबी छ ।
‘प्रधानमन्त्रीज्यूले नयाँ जोस र जाँगरका साथ कामलाई गति दिन खोज्नुभएकाले टिमका पुराना सबैलाई राजीनामा दिन निर्देशन दिनुभयो,’ उच्च स्रोतले भन्यो,‘कसैलाई हटाउन अप्ठ्यारो परेकोले सबैलाई राजीनामा दिन भन्नुभएको हो । केही व्यक्तिलाई पुनः टिममा ल्याइने सम्भावना पनि छ ।’ प्रधानमन्त्रीले प्रमुख सल्लाहकार विष्णु रिमाललाई राजीनामा गर्न भनेको र उनीमार्फत अरुलाई खबर पठाएको स्रोतले बतायो ।

‘प्रधानमन्त्रीज्यूले सल्लाहकारहरु हटाएपछि मन्त्रिपरिषद् हेरफेर गर्न पनि सजिलो हुने बाटो लिनुभएको हो । ,’ बालुवाटार स्रोतले भन्यो । प्रधानमन्त्री ओलीमाथि मन्त्रिपरिषद हेरफेर गर्न पार्टीभित्रै चर्काे दबाब छ । आइतबारको अन्नपूर्ण पोस्ट्बाट