हामी सबैकाे संसारन्यूज

२४ कार्तिक, काठमाडौँ । महान्यायाधिबक्ता कार्यालयले गरेको कारागार अनुगमनमा देशभरका अधिकांश कारागारको अवस्था नाजुक रहेको पाइएको छ ।

बाँके, बर्दिया, नवलपरासी, चितवन, कञ्चनपुर , प्यूठान र रुपन्देहीलगायतका जिल्लाका कारागारमा क्षमताभन्दा बढी कैदी र थुनुवा रहेको पाइएको छ । नवलपरासी –बर्दाघाट सुस्ता पूर्वमा कारागार कार्यालय नभएको र सर्लाहीमा कारागार बन्दै गरेकाले कैदीबन्दीलाई सप्तरी र झुम्का कारागारमा पठाउने गरेको पाइएको महान्यायाधिवक्ता कार्यालयका सहन्यायाधिवक्ता तथा प्रवक्ता सञ्जीवकुमार रेग्मीले जानकारी दिए ।

विगतको अनुगमन जस्तै यसपटक पनि कैदी तथा थुनुवाबन्दीले आफूले पाउने दैनिक ७ सय ग्राम चामल र ६० रुपैयाँ ज्यादै कम भएको तथा जरिवानाबापत कट्टा हुने रकमसमेत कम भएकाले यसमा पुनर्विचार गर्न कैदीहरुले माग गरेका छन् । हालको बजारभाउ र महँगीका कारण सो रकम पर्याप्त नभएकोले र दैनिकी धान्न गाह्रो भएको कैदीबन्दीले गुनासो गरेका छन् । आइतबारको राजधानी दैनिकबाट