हामी सबैकाे संसारन्यूज

२४ कात्तिक, काठमाडौँ । प्रधानमन्त्री केपी शर्मा ओलीलाई मन्त्रीपरीषद पुर्नगठनमा सहजीकरण गर्न सबै मन्त्रीहरूले सामूहिक राजीनामा गर्ने भएका छन् ।
प्रधानमन्त्री ओलीको सचिवालय सदस्यहरूको सामूहिक राजीनामा पछि मन्त्रीपरीषद सदस्यहरुको पनि सामूहिक राजीनामाको तयारी भएको हो ।
गोप्य राख्न खोजीएको सचिवालय सदस्यहरूको राजीनामा बारे समाचार बाहीरीए सँगै मन्त्रीहरूलाई पनि राजीनामा दिन दबाव परेको मन्त्रीपरीषद श्रोतले बताएको छ ।
प्रधानमन्त्री ओली निकट सुत्रले– ओलीले केहि मन्त्रीलाई हटाएर केहिलाई थप्दा हटाएका मन्त्रीहरु असक्षम भएको सन्देश जाने भएकोले सबै मन्त्रीहरुलाई सामूहिक राजीनामा दिन अह्राउनु भएको बताएको छ ।
प्रधानमन्त्री ओलीले बाँकी कार्यकाललाई अझ परीणाम मुखी बनाउन कामयाव सांसदहरुलाई मन्त्री बनाउन चाहेको ओली निकट श्रोतले बताएको छ ।
पछिल्लो समय केहि मन्त्रीहरूको कामकारवाहीमा चीत्त नबुझाएका ओलीले कामकाजी सांसदहरूलाई मन्त्री बनाउने तयारी गरीरहेका छन् ।