Sansar News
२६ कात्तिक, मस्को । आफ्नै प्रेमिकाको हत्या गरेर झोलामा उनको हात बोकेर हिडेका प्राध्यापक पक्राउ परेका छन् । यस्तो अपराध गरेका हुन् रसियाका एक प्राध्यापकले ।
इतिहास विषय पढाउने ६३ वर्षीय ओलेग सकोलभ नाम गरेका ती प्राध्यापकले आफ्नी प्रेमिकाको हत्या गरेर झोलामा हात बोकेर फाल्न जाने क्रममा पक्राउ परेको अन्तराष्ट्रिय समाचार एजेन्सीहरुले जनाएका छन् ।
उनले आफ्नै प्रेमिका तथा पूर्वविद्यार्थी अनासटासिया यसचेन्को हत्या गरेको खुलेको छ । मदिराले लठ्ठ परेका उनी प्रेमिकाको हात बोकेको झोलासहित खोलामा लडेका थिए । उनी पक्राउ परे पश्चात प्रहरीले उनको घरमा खोजतलाश गर्दा ती प्रेमिकाको शरीर क्षत विक्षत हुने गरी हत्या गरिएको अवस्थामा फेला परेको थियो ।
उनले आफ्नो अपराध स्विकार्दै विवाद भएपछि प्रेमिकाको हत्या गरेको प्रहरीलाई बताएका छन् । उनले हत्या गरेपछि प्रेमिकाको हात खुट्टा काटेको बयान समेत दिएका छन् ।
फ्रान्सको इन्स्च्यिुट अफ सोसद साइन्स, इकोनोमिक्स एन्ड पोलिटिक्स ( इसेप) नामक बैज्ञानिक समितिको सदस्य समेत रहेका साकोलभलाई उक्त घटनापछि समितिबाट हटाएको जनाइएको छ ।
फ्रान्सेली शाषक नेपोलियन बोनापार्टसम्बन्धी विज्ञ तथा उनी सम्बन्धी थुप्रै किताव लेखेका प्राध्यापक साकोलभले फ्रान्सको सर्वोच्च पुरस्कार समेत पाएका थिए ।
वि.सं.२०७६ कात्तिक २६ मंगलवार ०९:१९ मा प्रकाशित
