Sansar News
२६ कात्तिक । नेपाली काँग्रेसको महाधिवेशन प्रतिनिधिहरुको भेला तथा प्रशिक्षण हेटौंडामा हुने भएको छ । प्रदेश ३ का ६ जिल्लाका महाधिवेशन प्रतिनिधिहरुको भेला आज र भोलि हुने भएको हो ।
भेलाको उद्घाटन पार्टी सभापति शेरबहादुर देउवाले गर्ने कार्यक्रम छ । उद्घाटन कार्यक्रममा पार्टी सभापतिका साथै वरिष्ठ नेता रामचन्द्र पौडेल, प्रतिष्ठानका प्रमुख एवम् पार्टी उपसभापति विमलेन्द्र निधी र महामन्त्री डा शशांक कोइरालालगायतको उपस्थिति रहने मकवानपुुरका सभापति तथा प्रदेश ३ का संसदीय दलका नेता इन्द्रबहादुर बानियाले बनाए ।
पार्टीको केन्द्रीय नीति, अनुसन्धान तथा प्रशिक्षण प्रतिष्ठानको आयोजनामा कार्यक्रम हुन लागेको नेता बानियाले बताए । यसअघि भक्तपुरमा सात जिल्लाको भेला तथा प्रशिक्षण सम्पन्न भैसकेको छ ।
वि.सं.२०७६ कात्तिक २६ मंगलवार ०९:२२ मा प्रकाशित
