Sansar News
२६ कार्तिक, रमाल्लाह । दक्षिणी स्वेस्ट ब्याङ्कमा सोमबार इजरायली सुरक्षाकर्मीद्वारा एक प्यालेष्टिनी नागरिक मारिएका छन् ।
प्यालेस्टिनीले गरेको प्रदर्शनका क्रममा दुई पक्षबीच झडप हुँदा अरु कैयौँ घाइते पनि भएको अधिकारीहरुले जनाएका छन् । प्यालेस्टिनी स्वास्थ्य मन्त्रालयका अधिकारीहरुले दिएको जानकारीअनुसार अल अरुब शरणार्थी शिविरमा इजरायली सुरक्षाकर्मीहरुले चलाएको गोली लागेर एक प्यालेस्टायनीको मृत्यु भएको हो ।
गोली लागेर गम्भीर घाइते भएका युवालाई उपचारका लागि तत्कालै अस्पताल लगिएपनि चिकित्सकहरुले उनलाई तत्काल मृत घोषित गरेका थिए । इजरायली सैनिकहरुले प्रहार गरेको अश्रुग्यासका कारण धेरै प्रदर्शनकारी घाइते तथा बिरामी भएको बताइएको छ । घाइते मध्ये केहीको अवस्था गम्भीर रहेको र केहीको अवस्था स्थिर रहेको अधिकारीहरुले जानकारी दिएका छन् ।
वि.सं.२०७६ कात्तिक २६ मंगलवार १०:१२ मा प्रकाशित
