Sansar News
२६ कात्तिक, काठमाण्डौं । बुटवल उपमहानगरपालिका र बुटवल टेक्निकल इन्स्च्यिुट (बिटीआई) को सहकार्य तथा युएन डिपी नेपालको सहयोगमा २०० जनालाई निःशुल्क तालिम दिन लागेको बताइएको छ ।
उपमहानगरपालिकाका अनुसार Women Economic Empowerment Enterprise Development परियोजना अन्तर्गत तीन महिना सम्मका लागि विभिन्न क्षेत्रमा निशुल्क तालिम दिन लागिएको हो ।
उपमहानगरपालिकाका अनुसार टायल तथा मार्बल फिटिङ, दुग्ध व्यवसाय सम्बन्धी, इलेक्ट्रि–मेकानिकल सम्बन्धी, अतिथि सत्कार तथा पर्यटन सम्बन्धी (फास्टफुड तालिम), आर्क वेल्डिङ तालिम, सोलार तथा बिल्डिङ इलेक्ट्रिसियन तालिम, एसी तथा रेफ्रिजेटरमर्मत तालिम रहेका छन् ।
त्यस्तै मोटरसाइकिल सर्भिसिङ सम्बन्धी, नर्सरी व्यवसाय सम्बन्धी, जे.सि.बी अपरेटर सम्बन्भी, हाइड्रपावर अपरेटेर सम्बन्धी, आल्मुनियम फेब्रिकेटर सम्बन्धी, फर्निचर मेकर सम्बन्धी तालिम रहेको उपमहानगरपालिकाद्धारा जारी सूचनामा जानकारी दिइएको छ ।
उपमहानगरपालिकाका अनुसार १८ देखि ४९ वर्षभित्रका व्यक्तिहरुले आफ्नो नागरिकताको फोटोकपी तथा कुनै तालिम गरेको वा काम गरेको अनुभव भए सोको प्रतिलिपि सहित मंसिर ५ गतेभित्र दरखास्त दिन सक्नेछन् ।
उक्त सूचना अनुसार दलित, लोपोन्मुख, सिमान्तकृत, जनजाती, एकल र मधेशी महिलालाई प्राथमिकता दिइने छ ।
वि.सं.२०७६ कात्तिक २६ मंगलवार १४:४६ मा प्रकाशित
