हामी सबैकाे संसारन्यूज

२७ कात्तिक, काठमाण्डौं । गृहमन्त्रालयले राष्ट्रिय जोखिम न्यूनिकरण तथा व्यवस्थापन प्राधिकरणको कार्यकारी प्रमुख नियुक्तिको लागि शैक्षिक योग्यता, तालिम र अनुभवको आधारमा उम्मेदवार छान्न लागेको छ ।

मन्त्रालयले प्राधिकरणको कार्यकारी प्रमुख नियुक्तिका लागि गरेको दरखास्त आव्हानमा दरखास्त दिएका १३ जना उम्मेदवारहरुले शैक्षिक योग्यता, तालिम र अनुभवको आधारमा प्राप्त गरेको कूल प्राप्तांक विवरण सार्वजनिक समेत गरेको छ ।

दरखास्त दिएका तेह्रजना उम्मेदवार मध्ये टोटल पुर्णाङ्ग २५ मा डा. सुवोध ढकाल र डा. प्रेम बहादुर थापाले २४.५ नम्बर प्राप्त गरेका छन् भने, अरुण कुमार पालले २२.५, हरिराम पराजुली २२, कृष्णा कुमारी कार्की र ठुले राईले २१.५,नारा प्रसाद मरासिनीले २१, अनिल पोखरेलले २०.५, पिताम्बर अर्यालले २०, रोहित कुमार यादव, विष्णु प्रसाद खरेल र तोयानाथ सुवेदीले १९ तथा सुनिल सन साक्यले १८ अंक प्राप्त गरेका छन् ।

सरकारी निकायमा पहिलोपटक गृहमन्त्रालयले शैक्षिक योग्यता, तालिम र अनुभवका आधारमा नम्बरिङ गरेरै छनौट गर्न लागिएको सम्भवत पहिलोपटक हो ।