हामी सबैकाे संसारन्यूज

१० मसिंर, काठमाडौँ। पञ्चायतकालमा रिभल्बर चोरीको अभियोगमा चरम यातना दिई जागिरबाट समेत निकालिएका एक निर्दाेष प्रहरीले ३२ वर्षपछि न्याय पाएका छन् ।

सर्वाेच्च अदालतले गोर्खाको पृथ्वीनगरपालिका ८ का ठिगुरेश्वरका तत्कालीन प्रहरी हवल्दार खुलबहादुर कुँवरलाई राज्यबाटै क्षतिपूर्ति भराउने ठहर गरेको छ ।

न्यायाधिशद्वय विश्वम्भरपसाद श्रेष्ठ र प्रकाहमानसिंह राउतको संयुक्त इजलासले राज्यको निकायको लापरबाहीपूर्ण कामको परिणाम बिनाकसुर निर्दाेषले सजाय भोग्नुपरेको ठहर गर्दै दुई महिनाभित्र क्षतिपूर्ति दिन सरकारका नाममा परमादेश गरेको हो ।

२०४५ सालमा तत्कालीन प्रहरीले दुईवटा रिभल्बर चोरेको आरोपमा कुवँरलाई थुनामा राखेर चरम यातना दिएको थियो । बिनाकसुर अभियोग लगाई चार वर्षसम्म जेलमा यातना दिएर कुवँरलाई अन्ततः प्रहरीको जागिरबाट समेत हटाइएको थियो । मंगलबारको नागरिक दैनिकबाट