Sansar News
२३ मंसिर, काठमाण्डौ । जुडोकी पुनम श्रेष्ठले तेह्रौँ दक्षिण एशियाली खेलकूद (साग) मा नेपाललाई स्वर्ण पदक दिलाएकी छन् । लखनखेलस्थित आर्मीको कभर्डहलमा आज भएको महिला ७८ केजीमुनि तौल समूहमा उनले नेपाललाई स्वर्णपदक दिलाएकी हुन् ।
पुनमले बङ्गलादेशकी फरिना खानोमलाई पराजित गरिन् । यसअघि उनले भारतकी नवनीत कौरलाई पराजित गरेकी िथिइन् । यस्तै महिला ७० केजी तौल समूहमा नेपालकी विनिता मगरले रजत जित हासिल गरिन् ।
यस प्रतिस्पर्धामा भारतले स्वर्ण र श्रीलङ्काले कास्यपदक हात पारेको छ । यसैगरी पुरुष ९० केजी तौल समूहमा नेपालका श्रीराम मकाजूले कास्य पदक हात पारेका छन् । सोही स्पर्धामा भारतले स्वर्णपदक जित्दा पाकिस्तानले रजत जितेको छ ।
वि.सं.२०७६ मंसिर २३ सोमवार १८:२६ मा प्रकाशित
