हामी सबैकाे संसारन्यूज

२४ मसिंर, काठमाडौँ । सरकारले वैदेशिक ऋण लिएर संस्थानमा गरेको १८ अर्ब ५० करोड रुपैयाँ लगानी डुबेको छ । सार्वजनिक संस्थान, निकाय र विकास समितिमा गरी ३७ वटा संस्थामा एक खर्ब ४६ अर्ब रुपैयाँ वैदेशिक ऋण लगानी थियो । त्यसमध्ये १५ संस्थानमा गरिएको १८ अर्ब ५० करोड रुपैयाँ लगानी डुबेको हो ।

संस्थानलाई दक्षतापूर्वक सञ्चालन गर्न नसक्दा ऋण लगानीमा प्रतिफल प्राप्त हुन सकेको छैन । सरकारले रघुपति जुट मिल्स, विराटनगर जुट मिल्स लिमिटेडलगायतका उद्योग सञ्चालनका लागि दाता मुलुकबाट ऋण लिएर लगानी गरेको थियो ।

तर सरकारले ती संस्थानबाट ऋण उठाउन सकेको छैन । वैदेशिक ऋण लिएर सञ्चालन गरिएका १० औधौगिक संस्थानमध्ये ६ वटा बन्द भइसकेका छन् । विराटनगर जुट मिल्स् लिमिटेड , वीरगन्ज चिनी कारखाना, नेपाल कोल लिमिटेड , नेपाल रोजिन एन्ड टर्पेन्टाइन, भक्तपुर इँटा कारखाना र हिमाल सिमेन्ट कम्पनी बन्द भएका छन् । मंगलबारको अन्नपूर्ण पोष्टबाट