Sansar News
२ पुष, काठमाण्डौं । हिमालयन बैंकले आफ्नो संस्थागत सामाजिक उत्तरदायित्व अन्तर्गत मन्दिर पुनर्निर्माणका लागि आर्थिक सहयोग गरेको छ ।
बैंकले २०७२ सालको भूकम्पले क्षतिग्रस्त पारेको पाटन दरबार क्षेत्रमा रहेको भिमसेन मन्दिरको पुनर्निर्माणका लागि पाँचलाख रुपैयाँ बराबरको आर्थिक सहयोग गरेको हो ।
मंसिर ३० गते आयोजित एक कार्यक्रमका बीच बैंक संचालक समितिका अध्यक्ष मनोज बहादुर श्रेष्ठले पुनर्निर्माण सरोकार समितिका संयोजक कृष्णलाल मर्हजनलाई उक्त रकम हस्तान्तरण गरेको बैंकले जनाएको छ ।
सो अवसरमा ललितपुर महानगरपालिकाका प्रमुख चिरिबाबु मर्हजन, ललितपुरका प्रतिष्ठित व्यापारीहरु तथा बैंकका संचालकहरु, प्रमुख कार्यकारी अधिकृत, महाप्रबन्धक, सहायक प्रबन्धकहरुको पनि उपस्थिति रहेको थियो ।
बैंकले आफ्नो २५ औं बार्षिकोत्सवको अवसर पारेर पाटन दरबार क्षेत्र तथा कृष्ण मन्दिर पुनर्निर्माण गर्न १ करोड प्रदान गरेको समेत बताएको छ ।
वि.सं.२०७६ पुस २ बुधवार १०:०५ मा प्रकाशित
