हामी सबैकाे संसारन्यूज

२ मसिंर, जाम्भिया ।  जाम्भियाका राष्ट्रपति एडगार लुङ्गुले हालै वैधता दिइएको गाँजा खेती अर्थतन्त्र सुधार र औषधिजन्य उपयोगका लागि भएको मङ्गलबार बताएका छन् ।

उनले गाँजा खेती, प्रशोधन र आपूर्तिलाई राज्यले वैधता प्रदान गरेको तर यसको दुब्र्यशनलाई भने वैधता नदिइएको उनले बताए । लुङ्गुले राज्य सञ्चालित टेलिभिजनद्वारा प्रत्यक्ष प्रशारण भएको एक कार्यक्रममा भने “गाँजा खेतीलाई सरकारले वैधता दिएको छ तर यसको धुम्रपान वा अन्य दुव्र्यशनलाई राज्यले अझै अपराध मान्ने र दुव्र्यशन गरेको पाइएमा कानूनअनुसार कडा सजाय हुनेछ ।”

उनले थपे, “सरकारले स्वास्थ्य मन्त्रालयमार्फत गाँजाको उत्पादनलाई सही प्रयोजनका लागि प्रोत्साहन गर्नेछ किनकी राज्यले यसको आपूर्ति गरेर ठूलो लाभ लिन सक्छ । गाँजा औषधिका लागि प्रयोग गरिने भएकाले यसको माग विश्व बजारमा व्यापक रहेकोले यसको व्यवसायिक खेती र आपूर्तिबाट जाम्भियाको अर्थतन्त्र सुधारमा उल्लेख्य टेवा पुग्नेछ ।”