हामी सबैकाे संसारन्यूज

२ पुष, काठमाण्डौं । नेपाल कम्युनिष्ट पार्टी (नेकपा) स्थायी कमिटीको आजको बैठक सम्पन्न भएको छ ।

नेकपाका अध्यक्ष पुष्पकमल दाहाल ‘प्रचण्ड’ को अध्यक्षतामा केन्द्रीय कार्यालय, धुम्बाराहीमा बसेको बैठकमा पार्टी अध्यक्षद्धय ओली र दाहालद्वारा प्रस्तुत राजनीतिक प्रतिवेदन तथा महासचिव विष्णुप्रसाद पौडेलद्वारा प्रस्तुत विधान संशोधन प्रस्तावमै छलफल तथा सदस्यहरुले आफ्ना धारणा राख्ने क्रम जारी छ ।

आजको बैठकमा स्थायी कमिटीका सदस्य र आमन्त्रित सदस्यहरुले विचार राख्नेक्रम जारी रहेको छ उनीहरुले प्रस्तुत प्रतिवेदन र विधान संशोधन प्रस्ताव सही नै रहेको धारणा राख्दै परिमार्जन र सुधारका लागि आ–आफ्ना थप सुझावसहित धारणाहरु राखेका छन् ।

यसक्रममा आज १२ जनाले सुझाव राखेका छन् । जसमा मातृका यादव, बर्षमान पुन, लिलामणी पोखरेल, प्रदीप ज्ञवाली, गिरिराजमणी पोखरेल, रघुजी पन्त, गोकर्ण विष्ट, हरिबोल गजुरेल, पृथ्वीसुब्बा गुरुङ, टोपबहादुर रायमाझी, सत्यनारायण मण्डल र डा. पुष्पराज कँडेल रहेका छन् ।

राजनीतिक प्रतिवेदनमा प्रस्तुत भएबमोजिम पार्टीलाई व्यवस्थित गर्ने, संगठनलाई अझ सुदृढीकरण गर्ने, विचार र आचरण सुधार गर्नुपर्ने, पार्टीको आगामी कार्ययोजनालाई मूर्त बनाई कार्यान्वयन गर्नुपर्ने, सरकारको कामलाई प्रभावकारी बनाउनुपर्ने जस्ता विषयहरुमा आ–आफ्नो कोणबाट वक्ताहरु केन्द्रित रहेका थिए ।

स्थायी समितिको अर्को बैठक भोलि पुस ३ गते बिहान ११ बजे धुम्बाराही, काठमाडौंमा बस्ने जनाइएको छ ।

बेदुरामद्धारा सचिवालयको प्रस्ताव पास नहुने चेतावनी, १४ बुँदा परिमार्जनको माग